MAKUH 5:2 - Cho Bible Common Language 2016

² Bawipa Jesuh hleiko ungka a kyum law vai-am, khoshe ah kai chang tumat cu, ng’cim hmun ungka lut law ne,

MAKUH 5:2 Referans Kwoze

MAKUH 1:23

Cun yah ung pum im ah khoshe ah kai ah chang tumat om ci

MAKUH 5:8

(Cun ah am lau cu, Bawipa Jesuh naw, khoshe kha, shin ah chang ung kaa lut law ne maih ä’ cine khämtam ne ak täm ah phäh ah kyak ci)

ISAIAH 65:4

Ngami cu khomü ah khuügui, ng’phuh hmun gui ah hteit ne, aksi gui mum cha gui cu ng’ge ng’pai püi ci gui. Ngami cu vawksa ei u ne, khongyo am khawihnah douthakah meh tui ca awk ci gui.

LUKA 9:42

Cun ah ak hmaw a gawk law yah ung khoshe naw m’gaw law ba sei m’dek ung ng’tat ne, ng’khlet ne ng’yän ci. Bawipa Jesuh naw khoshe cu k’täm ne, ak hmaw cu gai sak netah, apa-am ap ba ci.

LUKA 8:27

Tui kem ah ami va gawk vai-am pigaw ah kaa chang tumat cu Bawipa Jesuh ah om nak ah lawk ci. Ani cu khoshe naw a kai shou law pyi ci kya ne, im ah phi kä om ba ne, ng’cim hmun yung ah ak plui tawn ah om ci.

MAKUH 7:25

Cun ung phi ng’thup ne kä om hlawt ci. A hta hnumi khoshe ah kai ah hnumi nu tumat cu, Bawipa Jesuh a gawk law ah mawng ng’ya tu netah, acun vai-am dawng law ne a kho pei ah kawp lawk ci.

MAKUH 4:1

Bawipa Jesuh naw Kalile tuili kem ah chang gui cu m’thei thang ba gui ci, Chang khli cu a pei ah law ne ng’bum lawk ci gui. Chang gui da law aih u sei Bawipa Jesuh cu tuili kam ah hleiko ung kai ne ngok ci.

MAKUH 3:30

Cun ah Bawipa Jesuh naw a pyein ah mawng cu, chang amshah naw “Ani cu khoshe ah kai nei” cine ami kyak nak ah hmawk ah kyak ci.

MAKUH 1:26

Khoshe naw chang cu ng’tum ne ng’khlet khai ah ghu shüt netah, ng’shan sei m’lau ne lut law ne hteit ci.

MAKUH 3:9

Chang gui da aih u khätah cun ah chang gui naw Bawipa Jesuh cu kä ami müt pah-en vai ah, amät ah phäh ah hleiko ami m’shei peit ge vai ah ang düihpüi gui cu m’cäi gui ci.

MAKUH 4:36

Ang düihpüi gui cu chang gui nawng shüt u ne, Bawipa Jesuh ah ngoh nak ah hleiko ung kai law tu u sei, vang ga ah vang kat vük ci gui.

MAKUH 5:3

Bawipa Jesuh cu hmu lawk ci. Ani cu ng’cim hmun gui ah lung ah om ci. Ani cu a u naw phi m’si gui awn khit ne kä pawng m’khüt ci.

MAKUH 5:21

Bawipa Jesuh cu hleiko awn tuili vang ga ah vang kat ba khätah, chang gui akda cu a pei ah law ne ng’bum lawk ci gui.