MAKUH 5:15 - Cho Bible Common Language 2016

¹⁵ Chang gui cu Bawipa Jesuh ah pei ah ami gawk law ung, khoshe ah kai te ah Mob cu, akni ah ng’sui ng’sak ne, chang k’ni ah kya ne ngoh sei hmu u netah, kyikyawk ci gui.

MAKUH 5:15 Referans Kwoze

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

2 TIMOTHI 1:7

Khanpughi ah nam shumphyuk gui ah Mumcha naw mikmi cu kä na ng’yawm sak gui ne; cun ah Mumcha naw hlüngtai nak, m’hni nak la htingling nak cu na pe gui ci.

LUKA 8:27

Tui kem ah ami va gawk vai-am pigaw ah kaa chang tumat cu Bawipa Jesuh ah om nak ah lawk ci. Ani cu khoshe naw a kai shou law pyi ci kya ne, im ah phi kä om ba ne, ng’cim hmun yung ah ak plui tawn ah om ci.

MAKUH 5:9

Cun kawn ah Bawipa Jesuh naw, “Nang ming a u ang” cine ng’shik ci. Cun ah chang naw, “Kei ka ming cu Mob nei, keimi cu ang htei ah kami da aih ci nei,” cine m’thein netah;

LUKA 10:39

Mahta ung Mari ming nak ciah a nau tumat om ci. Ani cu Bawipa ah pei ah ngo ne ang thu ngai ci.

1 SAMUEL 16:4

Bawipa naw bi vai ah am thein ah mäih ah Samuel naw bik neta, Bethlehem ah hteit ci, a cu ah mang gaw ng’vai gui cu, hteit ne law ne, hmu law u neta, “Shin cu dimdeeih nak awn na om law tuk ci ma, mikhmu?” cik ci gui.

SAM 14:5

Cun ah kyasei ngami cu kyikyawk khai gui, Khanpughi naw ani ngai cicu om püi ci.

JOB 13:11

ani ah huham naw akihshe ah ning be sak khai.

1 SHONTÄP NAK 15:13

Akhtük ung cun m’kawn nak ung nangmi kä nami om ci, mikmi naw khawihnah nak vai sü ah kä mi khawihnah ah phäh ah Bawipa mi Khanpughi naw ana m’kyuk gui ah kyak ci” cik ci.

MAKUH 5:18

Bawipa Jesuh cu hleiko ung a hang kai vü ba yah ung, khoshe ah kai te ah chang naw, a hnu ah läk tuk khai ah pyein ne ng’yoi ci.

MAKUH 5:16

Acun gui hmu tuk ciah chang gui naw, khoshe ah kai te ah chang la vawk gui ah mawng cu, lawk ciah chang gui-am m’thein tu gui ci gui.

MAKUH 5:4

Ani cu akda vei a kut akho m’si gui awn khit ne, ami pawn man te, cun ung phi ami khih nak ah m’si gui düt pit yawp ci ci. Ani cu a u naw pang ne kä am khüt vai ah gaigawng ci.

MATTHE 12:29

A u chang naw phi k’thagui mah ciah chang cu khit ne kä ak pawng cang ung, a im kyong ah lut ne a khawhcham kä lak pe hlawt khai, khit ne ak pawng kawn ah vah lak pe hlawt khai.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

MATTHE 9:33

Bawipa Jesuh naw khoshe ak täm vai-am cun ah ak ang cu ng’thu law thei sei, cun hmuk ciah chang gui cu cäicat u netah, “Shin ah mäih ah a mawng ama cu Israel kho ung kä hmuh man nei,” ci ne pyein ci gui.

1 SHONTÄP NAK 13:12

Cun kawn ah David naw Khanpughi kyih neta a pyen cu “A i hawcha ah tuhbäi kei naw Thukhän M’küm cu ka la ba khai aw?”

MATTHE 26:53

Kei naw kapa ah kang yoih ah a kyak ung Kapa naw ga-mo mawng gha-lei-goi ah däm ciah khankho chang gui cu, tüi lawk khai ci cu, kä nami hmat ci maa?

MAKUH 5:14

Vawk shäm ci gui cu dawng yawp u ne, gawnu gawhta avan ung acun ah mawng cu ngak ne pyein ci gui. Cun ah mawng ng’yak ciahchang gui naw law ne teng law tuk ci gui.