MAKUH 5:13 - Cho Bible Common Language 2016

¹³ Bawipa Jesuh naw yum khätah, khoshe gui cu, chang ung kaa lut law u ne, vawk gui ung lut ci gui. Phia m’ku vai lawk ciah vawk khli cu tuikam k’täi ung dawng law u ne, tuili ung lut ne di yawp ci gui.

MAKUH 5:13 Referans Kwoze

JOB 2:6

Cun ah kyasei Bawipa naw Satan cu pyen nak ci, “Ä ya! ani cu nang ah huham kyong ung om ci nei, cun ung phi kä na ngawn en vai nei,” cik ci.

THU PHLAAN 20:7

Khokum phiaa ghaa ang pyi kawn ah Satan cu lut law ba netah;

THU PHLAAN 9:11

Ngami ah ghangpughang cu m’hte lungkhui uk ciah khanchang ah kiakci. Ani ah ming cu Hebrew ng’thu awn Abaddon, Karik ng’thu awn Apollyon ah kyak ci, (cun cu m’di ci, ciah kyak ci.)

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

MATTHE 8:32

Bawipa Jesuh naw, “Hteit vä,” ci khätah, khoshe gui cu chang goi ungka lut law u ne, vawk gui ung lut ci gui. Vawk gui mak ät lüng cu, tuikam yung ah ng’täm tu ne dawng u ne, tuili ung lut ne si yawp ci gui.

JOB 1:12

Bawipa naw Satan a pyen nak ba cu; “Ä ya, ani ung om ci nü cu, nang ah huham ung ka ning ap ci, Cun ung phi Joba amät cu kä na nat sak en vai,” ci nak ci, cun ah kyasei Satan cu hteit ci.

1 GHANGPUGHANG GUI 22:22

Bawipa naw, “A i hawcha ah ang?” ci sei; Mümcha naw m’shang ne, “Kei naw hteit ne, Ahab ah prophet gui avan cu hleei ne ka m’thein gui khai nei” cik ci. Bawipa naw “Hteit ne ani m’hleei ä, na näng khai nei” cik ci.

MATTHE 7:6

‘Ak theingcim cu ui gui-am kä nami peit vai, cuh ah nami peit ung ng’hlat law ba ne ning htui gui khai. Ghui k’cünglung cu vawk gui ah ma ah kä nami m’shän vai, nami m’shän ung ami kho awn leh ne kai na khai gui.

MAKUH 5:12

Khoshe gui naw, “Keimi vawk ung kami luh vai ah nam gein gui ä” ci ne ng’yoi ci gui.

MAKUH 5:14

Vawk shäm ci gui cu dawng yawp u ne, gawnu gawhta avan ung acun ah mawng cu ngak ne pyein ci gui. Cun ah mawng ng’yak ciahchang gui naw law ne teng law tuk ci gui.