MAKUH 4:8 - Cho Bible Common Language 2016

⁸ M’shi amshah cu am dek ah ni nak ung kya law ne, akni ah ng’lih pyo ne ghing gong ne, a thumkip, ak chuk-kip, a phia ah vuipai ne m’theih tak ci” cine m’thein gui ci.

MAKUH 4:8 Referans Kwoze

JOHAN 15:5

Kei cu sapyit phung ah ka kyak ci, nangmi cu ang ban ah nami kyak ci. Nangmi cu kei ung kä nami ng’yung ung a i kä nami m’khüt khai. Chang tumat cu kei ung om sei, kei phi ani ung ka om ah a kiak ung ani cu akda ah m’theih tak khai.

KOLOSE 1:6

Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.

MAKUH 4:20

Chang amshah gui cu m’dek ni ung kya lawk ciah geit m’shi awn täng ci gui, ngami cu Khanpughi ah ng’thu ngai ng’ya u ne dou ci gui ah kyak ci. Ngami cu a thum-kip, ak chuk-kip, a phia ah vuipai m’theih tak ci gui” cine m’thein gui ci.

ATÜNNAK 26:12

Isaak naw cun ah khaw ung m’shi phu ci. Bawipa naw hriham pe sei a cun ah kum ung a phia ah däm khai ah khäm ba ci.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

MATTHE 13:8

M’shi amshah cu, m’dek ah ni nak ung kya law ne, akni ah ng’lih pyo ghing gong sei, a phiaa, akchuk-kip. Athum-kip ah ng’sep khawi ci.

JEREMIAH 23:29

Kei ah ng’thu cu mei ah mäih ah kyak ci, lung khui khai ah shuk ciah ng’kii ah mäih ah kyak ci.

PHILIPPIAN 1:11

Khanpughi ah bämang nak la m’hlüngtai nak vai ah hmawk ah Bawi Jesuh Khrit ung lawk ciah düng ciah ni kyom naknaw, nami ghin nak cu ning kümbe sak gui khai nei.

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

LUKA 8:8

M’shi am shah cu ng’lei k’ni ung kya law ci, cun cu akni ah ng’lih pyou ne, ghing gong ne, phia ciah vuipai m’theih tak ci” ci ne m’thein gui ci. Cun kawn ah “Ak hnga om ci naw ng’ya sä” ci ne m’lau ci.

MATTHE 13:23

M’dek ni ung kya lawk ciah m’shi ci cu, ng’thu ni cu ngai ng’ya tu ne hmuhmat ci gui ah kyak ci. Ngami cu amshah aphiaa, amshah ak chuk-kip, amshah athum-kip ah vuipai ci gui,” cine m’thein gui ci.

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

MAKUH 4:7

M’shi amshah cu ng’hling hmu ah kya law ne, ang lih pyo ung phi ng’hling naw k’düi sei kä vuipai hlawt ci.

MAKUH 4:9

Cun kawn ah Bawipa Jesuh naw, “Ng’yak nak vai hnga om ci phung naw ng’ya sä” cik ci.

EPHESIAN 2:21

Ani naw cun ah imlo cu shum ne han chang sei, cun cu Bawipa-am ap ah bum im theing ah kya lawk ci.