MAKUH 4:41 - Cho Bible Common Language 2016

⁴¹ Cun yah ung ngami cu ang htei ah kyikyawk u netah, “Shin ah chang cu a u ah mäih chang ang? Khokhi la tui hnawk naw phi ani ah ng’thu cu ngai ci gui nei” cine ami mät gui ng’htau ci gui.

MAKUH 4:41 Referans Kwoze

LUKA 8:25

Bawipa Jesuh naw, “A hawi ang nami yum nak?” ci ne ang düihpüi gui cu pyen na gui ci. Ang düihpüi gui cu cäicat kyikyawk u netah, “Shin ah chang cu a u ang? Kho khi la tui hnawk naw ani ah ng’thu ngai ci gui nei” ci ne ami mät ng’htau ci gui.

JOB 38:11

Ka ning m’thein ci, “A shin bäng ah na hteit khai, kä na teit ba khai.”

MATTHE 8:27

Ang düihpüi gui cu cäicat u netah, “Shin ah chang cu a i chang leng leng ang, khokhi tui ng’hnawk naw phi ang thu ngai ci nei,” cine kyak ci gui.

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

1 SAMUEL 12:24

Bawipa läk ne, nami m’lung kyong avan awn bekhüt ne abi nami bi vai. Nangmi ah phäh ah küikyang ciah bi abi cu nami shüm ba vai.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

MAKUH 5:33

A suinu tawn ciah hnumi cu amät ah gai ah mawng hmat netah, ng’khlet ne kyi ne, ama ah law ne kawp netah, amawng avan akcang cu m’thein yawp ci.

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

LUKA 4:36

Chang gui cu cäicat u netah, “A ni a i hlawk ah huham ah ne ang, khoshe hngaw aktäm hning? cine ami mät ng’ce ng’cäk u netah hteit ba ci gui.

MATTHE 14:32

Bawipa Jesuh la Peter hleiko khan ah ani gawk ba ung kho phi kä khi ba ci.

MALAKHI 2:5

“Ka thukhän ung ghin nak la bämcam nak cu ka shaitak ci, cun cu ka pek gui ah kyak ci. Cun ah kyasei ami na kyih aa vai kyak ci. Acau läi ngami naw na chang m’sui ne na kyihkyawk man ci gui.

MAKUH 7:37

Cun ah a mawng ng’ya tuk ciah chang gui cu ang htei ah cäicat u netah, “Bawipa naw a päng avan cu düng khai ah bi pyi ci nei, ak hnga pang ci gui ng’lang sak gui ne, awng ang ci gui ng’thu thei sak gui ci nei” cine pyein aih ci gui.

MAKUH 4:40

Cun kawn ah Bawipa Jesuh naw ang düihpüi gui-am, “A i ah kia sei shin hlawk ah nami kyihkyawk ang? Tuhbäi güt ung nangmi naw, kei cu nami na yum nak kä om ne ma?” cine ng’shi gui ci.

MAKUH 5:1

Bawipa Jesuh la ang düihpüi gui cu Kalile tuili ah vang ga, Keras kho ah gawk ci gui.