MAKUH 4:38 - Cho Bible Common Language 2016

³⁸ Bawipa Jesuh cu hleiko ah a hnu lam ah aknep ah khum ne ip ci. Ang düihpüi gui naw Bawipa Jesuh cu m’tho ba u netah, “Bawipa, mikmi tui ung lut ne mi si lawk khai kyak ci nei kä na hmat tuk ci ma?” cine ng’shik ci gui.

MAKUH 4:38 Referans Kwoze

1 PETER 5:7

Nami cäicat ng’ä ai nak phung avan ap vä, Khanpughi naw ngaih nah ne ning m’htei gui ci nei.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

MATTHE 8:25

Ang düihpüi gui naw Bawipa Jesuh cu m’tho u netah, “Bawipa na hun gui ä, kami si lawk khai kyak ci nei,” cine pyein ci gui.

LUKA 8:24

Ang düihpüi gui naw Bawipa Jesuh cu m’tho ba u ne, “Bawipa, kami si lawk khai kyak ci nei” cine m’lau ci gui. A ih nak ungka tho law ba netah, Bawipa Jesuh naw kho khi la tui ng’hmawk cu ng’düm sak ci, kho khi ng’düm ne tui hnawk pyei ci.

ISAIAH 64:12

Bawipa, shingui avan ah phäh ah kä thük ne naom ci ma? Nang naw a i phi kä na bik khai ma, kei mi naw kami näh hning ah ta, nui pi khai ah na na ci gui khai ma?

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

JOHAN 4:6

A cun ung Jakob ah tui shawk om ci. Bawipa Jesuh cu lam a hteh nak bawngbai netah, tui shawk pei ah ngok ci. Cun yah cu hnüüp lunglai ah kyak ci.

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

NG’ÄI KYAH 3:8

Kei cu ana m’htei vai ah kyap ne akdäm ah ka m’lau ci. Cun ung phi Khanpughi naw ang ngaih vai ah mak ci.

MATTHE 22:16

Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

MAKUH 4:37

A hei hleilo gui phi hteit tuk ci gui. Cun yah ung ak ten ah puikho khi ne tuinu ng’hnawk law sei, hleiko ung tui be law hlük ci.

MAKUH 4:39

Bawipa Jesuh cu tho ne ng’düi law netah, “Khokhi aw ng’düm ä, tui hnawk aw kyeim ä” cine khämtam ne pyein ci. Acun vai-am kho khi cu ng’düm ne, tui hnawk cun phi kyeim ci.