MAKUH 4:28 - Cho Bible Common Language 2016

²⁸ Khomdek amät naw ng’lih pyo sak ne vuipai sak ci. Ak htük ung m’guh sak ci, cun kawn ah vuipai sak ci, Cun kawn ah ak htang ah phü ne dang lawk ci.

MAKUH 4:28 Referans Kwoze

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

PHILIPPIAN 1:6

Cun ah kya sei nang mi ung bi ak ni tün ne bik ciah Khanpughi naw Bawi Khrit Jesuh ah kyum law nak vai ah hnüüp kä a gawk phaa ung, cun ah bi cu ng’pyi khai ah bik khai ah ka yum ci nei.

MATTHE 13:26

Geit gui lut law ne ghing gong law u sei, m’ghaw gui phi lut law tuk ci gui.

ISAIAH 61:11

Geit m’shi cu ng’lih pyo ne a ghing gong ah mäih ah uktu Bawipa naw achang gui cu hun gui khai nei, chang pakhui avan naw ani cu m’hlüng tai khai nei.

THUSHÄUTU 3:11

Ani naw ang nü ah phäh ah hman ciah akhin k’bäi ci. Ani naw ma lam ah mawng hmat nak hlü vai cu na pe gui ci, cun ung phi ani ah bi gui akbe ah hmat nak hlü vai cu kä na pe gui ci. Cun ung phi ng’büh nak vai ah hmuhmat nak cu kä na pe gui ci.

THUSHÄUTU 3:1

Khomdek khan ung kyak ci gui nü cu Khanpughi naw aghü ah khin ung kyak lawk ciah kyak ci.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

ATÜNNAK 2:9

Cun ah dum ung kyom ne, ei hlü vai ah m’theih ciah sing ghing a hlü hlü ghing sak ci. Dum ah ang lung ung ghin nak ah sing ghing phi om ci, akni la akshe m’chaa nak ah sing ghing phi om ci.

MAKUH 4:27

Chang tumat cu loma ah m’shi geit ci. A geit kawn ah mü ah ip ne, hnüüp ah om ne a kyak yah ung, geit m’shi cu m’set law ne ng’lih pyo lawk ci. A i hawkcha ah ang lih pyo law cu ani naw kä hmat ci.

MAKUH 4:29

Htang vui a hmin law ung, htang ah vai ah akhin gawk lawk ciah kyasei, chang naw tün ne aat ge ci” cine m’thein gui ci.