MAKUH 4:26 - Cho Bible Common Language 2016

²⁶ Cun kawn ah mä Bawipa Jesuh naw, “Khanpughi ah uknak kho cu shin ah mäih ah kyak ci,

MAKUH 4:26 Referans Kwoze

MATTHE 13:24

Bawipa Jesuh naw a hei tumat awn m’tumtäng ne am thein ba gui cu, “Khankho uknak cu shin ah mäih ah kyak ci. Chang tumat naw aloma ah m’shi k’ni cu geit ci.

LUKA 8:11

Shin ah m’tumtäng ne pyein nak hlü cu; m’shi cu Khanpughi ah ng’thu ah kyak ci.

LUKA 8:5

Hnü ät ung chang tumat cu loma ah hteit ne m’shi phu ci. A phu ah m’shi amshah cu lam ung kya lawk ci, cun ah m’shi cu chang naw kai na ne, k’phiu kha naw ei yawp ci.

JAMES 3:18

Dimdeeih nak bik ci gui naw dimdeeih nak ung ami geit ah, geit m’shi ah am theihpai cu nikiom nak ah kyak ci.

JOHAN 12:24

Kei naw akcang ka pyein cu, geit m’shi cu m’dek ung kä va kya ne, kä thuce ne a om ah a kyak ung, amät ah kawn ah kä da lawpi hlawt khai nei. M’dek ung va kya netah, athu ce ung vah akda ah vuipai m’theih tak ba man ci;

ISAIAH 32:20

Geitkaw nak vai ah tui da ne, ng’sela la sei gui ah phäh ah phyawng ne om nak vai khu hmun da sei yeikyai aih vai ah kyak ci nei.

THUSHÄUTU 11:6

Na geit m’shi cu kho ngawi lam ah phi phu ä, mühun lam ah phi phu ä. Na phu avan cu pyo khai, käcung na phu htük ah mä na phu ba cu ni pi khai, cicu nang naw kä na hmat ci.

THUSHÄUTU 11:4

Khokhi kho aa a hman güt bäng ging ciah chang cu, a i yah ung phi kä geit kaw hlawt khai, kä khämkhi hlawt khai.

NG'THU K'THUUK~ 11:18

Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

LUKA 13:18

Bawipa Jesuh naw, “Khanpughi ah uknak ah kho cu a i awn täng ci ang?

MATTHE 13:33

Bawipa Jesuh naw a hei awn m’tumtäng ne am thein ba mä gui cu, “Khanpughi ah uknak kho cu shin ah mäih ah kyak ci. Hnumi tumat naw k’co cu la netah, m’htut den pyii taang ät ung k’caw sei, m’htut den avan cu tho ne pai ci,” ciah kyak ci.

MATTHE 13:31

Bawipa Jesuh naw a hei tumat awn m’tumtäng ne a pyein cu, “Khanpughi ah uknak ah kho cu shin ah mäih ah kyak ci. Chang tumat naw anhta ui cu la ne aloma ah geit ci.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

MATTHE 13:3

Bawipa Jesuh naw cun ah chang gui-am, m’tumtäng bäng bäng ne a mawng akda m’thein gui ci. Bawipa Jesuh naw, “Hnüüp ät ung chang tumat cu m’shi phu khai ah hteit ci.

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

MAKUH 4:25

Khawh mah ci-am län ne k’be pek khai, a i kä om ciah kaa ak om hta phi lak pe yawp khai.

MAKUH 4:27

Chang tumat cu loma ah m’shi geit ci. A geit kawn ah mü ah ip ne, hnüüp ah om ne a kyak yah ung, geit m’shi cu m’set law ne ng’lih pyo lawk ci. A i hawkcha ah ang lih pyo law cu ani naw kä hmat ci.