MAKUH 4:24 - Cho Bible Common Language 2016

²⁴ Cun kawn ah bawipa Jesuh naw, “Nami ng’yak cu ng’htei khai ah ngai vä! Nangmi naw chang-am nän ne nami peit nak ung, Khanpughi naw nangmi-am nän ne ning pe ba gui khai; Cun ah däm pi khai ah phi nän ne ning k’bäi pe gui khai.

MAKUH 4:24 Referans Kwoze

HEBRU 2:1

Mikmi naw mi ng’yak pyi ah thu düng cu khäng khai ah mi shum khai, cun ung mikmi cu lam kä mi hma khai.

LUKA 8:18

Cun ah kyasei nami ngaih ng’yak cu geing na vä, om ciah kaa län ne k’be ba khai, kä om ciah kaa, a taak hta phung avan lak pek khai” cine pyein ci.

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

2 KORIN 9:6

M’shi api geit ci naw geit api khäm ba khai, m’shi akdäm geit ci naw, geit akdäm khäm ba khai! cicu nami hmat vai nei.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

NG'THU K'THUUK~ 19:27

Ka hta aw, ng’theithang nak na nawng ah a kyak ung, na hmat pyi gui cu na nawng ciah kyak khai.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

JOHAN 5:25

Kei naw akcang ka pyein cu, akhin gawk law pyi ci, chang si gui naw Khanpughi ah A Htapa ah k’o ng’ya u netah, ghin nak ami gah nak ba vai ah akhin cu, tuhbäi gawk law pyi ci nei.

MAKUH 9:7

Cun kawn ah khomei tumat dang law ne ami khan ah hnim law gui ci. “Shin cu kei ah m’hni ah Ka Htapa nei, ani ah ng’thu cu ngai vä” ciah k’ow cu khomei ungka ng’thang lawk ci.

JOHAN 10:16

Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

JEREMIAH 17:21

Ami ghin nak ami m’hni ah a kyak ung kyin hnüüp ung a i kä ami phuih en vai ah na m’thein gui vai nei; ngami cu Jerusalem m’kawt gui ung a i phuih phi phui ne kä ami hteh vai.