MAKUH 4:2 - Cho Bible Common Language 2016

² Chang gui cu tui kem ah ng’düi ci gui. Bawipa Jesuh naw amawng alam akda cu m’tumtäng ne m’theithang gui ci.

MAKUH 4:2 Referans Kwoze

MAKUH 4:11

Bawipa Jesuh naw, “Nangmi naw thuuk ne kau ciah Khanpughi ah uknak kho ah mawng cu nami hmat pyi ci. Cun ah kä hmat tu hning ci gui cu m’tumtäng ne m’thein gui ah kyak ci.

MAKUH 3:23

Bawipa Jesuh naw ngami cu khü gui netah, m’tumtäng nak awn “A i hawkcha ah khoshe naw khoshe cu k’täm hning khai ang?

MATTHE 13:10

Ang düihpüi gui cu Bawipa Jesuh ah pei ah law u netah, “A i ah kyasei chang gui-am m’tumtäng bä bä ne namthein gui ang?” cine ng’shik ci gui.

MATTHE 13:3

Bawipa Jesuh naw cun ah chang gui-am, m’tumtäng bäng bäng ne a mawng akda m’thein gui ci. Bawipa Jesuh naw, “Hnüüp ät ung chang tumat cu m’shi phu khai ah hteit ci.

MAKUH 12:38

Cun ah am theithang gui yah ung Bawipa Jesuh naw, “Thukhän saya gui cu nami geing nak gui vai, ngami cu suinu sui ne, chang ah ng’shei ne hteithton hlük ci gui. Sumlei hmun ung phi chang naw ak chang m’sui gui vai ng’ya hlük ci gui.

MATTHE 7:28

Cun ah Bawipa Jesuh naw ng’thu a pyein kawn ah, chang gui cu ani ah m’theithang ah hmawk ah cäicat ci gui.

SAM 78:2

Kei naw cüi vai nak ng’thu ka pyen lawk khai thuk ciah amawng phyim gui ka ning m’thein gui khai.

SAM 49:4

Kei cu thu thuuk lam ah ng’hlat ne, thuuk ciah amawng cu tingtäng tum ne ka m’dang khai.

JOHAN 18:19

Täigu Tung naw, Bawipa Jesuh cu, ang düihpüi gui ah a mawng la am theithang ah a mawng gui cu k’cet ne ng’shik ci.

MAKUH 4:3

Cun ah am theithang nak gui ung Bawipa Jesuh naw, “Ngai vä, hnü ät ung m’shi phu ciah chang cu m’shi phu khai ah loma ah hteit ci.

MAKUH 10:1

Cun kawn ah Bawipa Jesuh cu, cun ungka ng’düi law ne Judea kho ah hteit netah, Jordan tuinu hei kat ci. Chang gui cu Bawipa Jesuh ah pei ah ng’cut law ba u sei, am theithang man ah m’theithang ba gui ci.

MAKUH 12:1

Cun kawn ah Bawipa Jesuh naw ngami-am m’tumtäng ne am thein gui cu, “Chang tumat naw sapyit lo cu bi ne, geit ne ng’vong ci. Sapyit m’theih m’seh nak vai ah khui phi shawk ne, tängkyäng phi co ci. Cun kawn ah ani cu a sapyit lo khah gui ne bi sak gui netah, a kho hei yung ah hteit ci.