MAKUH 4:15 - Cho Bible Common Language 2016

¹⁵ Chang amshah gui cu lam ung kya lawk ciah geit m’shi awn täng ci gui, Khanpughi ah thu ng’ya te ci gui, cun ung phi acun vai-am khoshe naw lak pe gui yawp ci.

MAKUH 4:15 Referans Kwoze

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

2 KORIN 2:11

Cun ung vah Satan cu mikmi ah khan ah kä a näng vai ah mi shung hlawt khai; Satan ah theileh cu mikmi naw mi hmat ci.

LUKA 8:12

Lam ung kya lawk ciah m’shi ci cu, Khanpughi ah ng’thu ng’yak ci, cun ung phi ng’yak ci gui naw yum law ne hun nak ami gah vai ah khogam cu ng’ä law netah, ami m’lung kyong ungka Khanpughi ah ng’thu cu lak pe gui yawp ci.

MAKUH 4:4

M’shi a phu law ung m’shi amshah cu lam ung kya law sei kha gui naw ei yawp ci gui.

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

ISAIAH 53:1

Chang gui naw m’shang u ne, “Tuhbäi keimi naw kami pyen cu, a u naw yum khai ang? Shin ung Bawipa ah kut hnün cu a u naw hmuk khai ang?

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

THU PHLAAN 20:7

Khokum phiaa ghaa ang pyi kawn ah Satan cu lut law ba netah;

HEBRU 2:1

Mikmi naw mi ng’yak pyi ah thu düng cu khäng khai ah mi shum khai, cun ung mikmi cu lam kä mi hma khai.

2 THESSALONIAN 2:9

Cun ah akshekha säih cu Satan ah hlüngtai nak awn law ne, ak cang ah kä kyak ciah cäicat gui vai la cäi aih gui vai cu m’dang khai nei.

MATTHE 22:5

Cun ung phi ami khü gui ah chang gui cu, khü lawk ciah chang gui a i ah kä tä ne, tumat cu lo ah hteit ci.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

ZEKHARIAH 3:1

A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.

ATÜNNAK 19:14

Lotah cu a hta hnumi gui ah cei gui vai ah om nak ah hteit neta, “Ang ghit ah ng’düi law vä, shin ah gawnu ungka mi dawng khai nei, Bawipa naw shin ah hmun cu m’di lawk khai nei” cik ci. Cun ung phi ngami naw a hleei ah ngai ci gui.

HEBRU 12:16

A u chang phi om k’she ne, mümcha kä cimvai ciah Esau ah mäih ah kä nami kiak-en vai, ani naw hta k’tak-hnga ah a kyak nak cu, ei m’ka ät ah yoi ci nei.

LAMKTU 17:32

Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui.

MAKUH 4:14

M’shi phu ci naw Khanpughi ah ng’thu m’shi cu phu ci.

MAKUH 4:16

Chang amshah gui cu lung hmu ah kya lawk ciah geit m’shi awn täng ci gui, ngami cu Khanpughi ah ng’thu ami ng’yak vai-am yeikyai ne dou ci gui.