MAKUH 3:7 - Cho Bible Common Language 2016

⁷ Bawipa Jesuh cu ang düihpüi gui awn a täng ah Kalile tuili pei ah hteit ba u sei, chang khli naw a hnu ah läk lawk ci gui.

MAKUH 3:7 Referans Kwoze

LUKA 6:17

Bawipa cu ang düihpüi gui awn khomhtung ah kaa kyum law ba u ne ak chang khli gui awn ng’düi gi cui. Cun kawn ah Judea khaw ah kaa, Jerusalem ah kaa, la Tire la Sidon pigaw gui ungka chang akchün om ci gui.

MATTHE 4:25

Kalile kho, kho pagha ah ming ciah Dekapoli kho, Jerusalem gawnu, Judea kho la Jordan tuinu vang ga ah om ciah chang khli naw Bawipa Jesuh cu a hnu ah läk lawk ci gui.

MATTHE 12:15

Bawipa Jesuh cu cun ah ami ng’ge ah mawng ng’yah netah, a hei lam ah hteit ba sei chang akda naw a hnu ah läk ci gui.

LUKA 23:5

Cun ung phi ngami naw, “shin ah chang cu Kalile kho ung tün ne Judea kho, shin ung gawk lawk khai ah chang gui m’hleei gui ne thüngphyong sak gui ci nei” cine m’lau law pi ne pyein ci gui.

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

MAKUH 1:39

Bawipa Jesuh cu Kalile kho avan ung hteit ne, pum im gui ung thu pyein ne, khoshe gui phi k’täm gui ci.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

JOSHUA 21:32

Naphtali gui ah khopäng ungka, mang gaw thum gah ci gui, Kalile ung Kadesh la acun ung khuli khaw gui (ng’yiinak mang gaw tumat), Hammoth, Dor, Kartan, la acun ung khuli khaw gui.

JOSHUA 20:7

Cun ah kyasei Jordan ah akhei täng, Kalile khaw, Naphtali khawgui ung Kedesh; Ephraim khawgui ung Shechem; Judah khawgui ung Hebron gui cu ghü ci gui.

LAMKTU 17:14

A cun vai am yum ciah chang gui naw Paul cu tuinu kam lam ah hteh sak ci gui. Silas la Timothi läi cu Berea ah om shüt ci goi.

LAMKTU 17:10

Kho a mü law vai-am yum ciah chang gui naw Paul la Silas cu Berea gawnu ah tüi goi ci gui. Cu ah gawk ni netah ngahni cu pum im ah hteit ci goi.

JOHAN 7:52

Cun ah chang gui naw, “Nangmi Kalile kho ah kaa ma? Cacim cu teng ba shüm ä, Kalile kho ung a u profet phi kä om man ci, cun cu na hmat khai nei” cine kyak nak ci gui.

JOHAN 7:41

Chang amshah naw, “Messiah cu Kalile kho ungka law hning khai ma?

MATTHE 12:16

Ani naw gawipai ci gui cu gai sak gui ci. Cun ung phi ani ah mawng kä ami pyein-en vai ah m’yih sak gui ci.

MAKUH 1:45

Cun ah chang cu hteit ba netah, a theek gai ah mawng cu van-am m’thein ne ngak ci. Cun ah a mawng cu chang van naw yat sei, ng’ya pyi ciah kyasei, Bawipa Jesuh cu a i pigaw ah phi akdei ang dang ah kä hteit hlawt ci. Ang thuh nak pigaw k’pung lam ah hteit ne om ci ci. Cun ung phi apigaw päng ungka chang akda cu a om nak ah gawk lawk ci gui.

MAKUH 3:20

Cun kawn ah Bawipa Jesuh cu im ah hteit ba ci. Chang gui akda ng’bum law ba u sei, Bawipa Jesuh la ang düihpüi gui cu ei ami ei nak vai phi akhin kä gah ci gui.

MAKUH 4:1

Bawipa Jesuh naw Kalile tuili kem ah chang gui cu m’thei thang ba gui ci, Chang khli cu a pei ah law ne ng’bum lawk ci gui. Chang gui da law aih u sei Bawipa Jesuh cu tuili kam ah hleiko ung kai ne ngok ci.