MAKUH 3:29 - Cho Bible Common Language 2016

²⁹ Cun ung phi Mumcha Theing katnak ciah chang ah khan ah m’geinsei nak kä om ci. A i ah kyasei ci ung ani cu angtäi ah katnak bik ciah chang ah kyak ci,” cine kyak na gui ci.

MAKUH 3:29 Referans Kwoze

LUKA 12:10

“Chang ah Htapa m’kat ne ng’thu ciah chang ah khan ah kat m’gein nak a om ung phi, Mumcha Theing m’kat ne ng’thu ciah khan ah kat m’gein nak kä om khai nei.

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

MAKUH 12:40

Hmeinu gui ah khawh cham gui gut u netah, chang naw ang ngaih ung ani vai düt ah akshonu taigü ci gui. Cun ah kyasei ngami ah khan ah Khanpughi naw am katnak gui cu khak pibäih khai” cine kyak na gui ci.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

JUDE 1:7

Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.

MATTHE 9:3

Thukhän saya amshah gui naw, “Shin ah chang cu Khanpughi ah khan ah katnak awn ng’thu pyein ci nei,” cine ami mät ng’cengcäk ci gui.

MAKUH 3:30

Cun ah Bawipa Jesuh naw a pyein ah mawng cu, chang amshah naw “Ani cu khoshe ah kai nei” cine ami kyak nak ah hmawk ah kyak ci.