MAKUH 3:24 - Cho Bible Common Language 2016

²⁴ Chang gui ami m’lung ngaih ng’pai sei ami küüt-neet nak ah kho cu a hei hei ah ng’pai yawp khai nei.

MAKUH 3:24 Referans Kwoze

ZEKHARIAH 11:14

Cun kawn ah Judah la Israel ah kawng ät nak, ka plawh nak ah ak hnih nak ah, “Kawng ät nak ah” ng’shopawng cu ka cheiuh ci.

EZEKIEL 37:22

Kei naw ngami cu Israel khomhtung khan ah, khaw kyong ung pakhui tumat ah ka kawng ät sak gui khai nei. Ngami ami van uk gui khai ah ghangpughang tumat om khai, ngami cu pakhui hnih ah kä ng’pai ba khai gui, uknak khaw hnih kä law ba khai.

2 SAMUEL 20:6

Cun ah kyasei ghangpughang naw Abishai am, “Sheba naw Absalom ah ta däm pi ciah yaica nak na pe goi khai nei. Ka chang gui la gui ne a hnu ah läk ä, kä cun ung ani naw khäng ciah gawnu khäm ne, mikmi ungka phyawng khai nei” cik ci.

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

JOHAN 17:21

O Kapa! Nang cu kei awn kawng ät ci sei, kei phi nang awn ka kawng ät ah mäih ah, ngami gui cu kawng ät sak gui ä. Kei cu nang naw na na tüih law ah m’dek chang gui naw ami yum vai ah, ngami gui cu kawng ät sak gui ä.

MATTHE 12:25

Ngami ah m’lung ngaih cu hmat netah Bawipa Jesuh naw, “Khopäng tumat ung chang gui cu ami m’lung ngaih hnga hnga sei, ami mät gui ami ng’tuk-ah a kyak ung, cun ah khopäng cu kä shou pha sei, dimaih khai. Acun ah mäih ah m’lung ngaih kä kawng ät ciah pigaw, kä cun ung kyong khui cu kä khäng htek khai.

MAKUH 3:23

Bawipa Jesuh naw ngami cu khü gui netah, m’tumtäng nak awn “A i hawkcha ah khoshe naw khoshe cu k’täm hning khai ang?

MAKUH 3:25

Kyong khui ät ung chang gui ami m’lung ngaih ng’pai sei ami küüt-neet ung ami kyong khui cu ng’pai yawp khai nei.