MAKUH 3:10 - Cho Bible Common Language 2016

¹⁰ Bawipa Jesuh naw gawipai ciah chang akda gai ba sak ci kya sei, gawpai ciah chang gui cu Bawipa Jesuh va tawn khai gui ah vang tawn vük ci gui.

MAKUH 3:10 Referans Kwoze

MAKUH 6:56

Bawipa Jesuh a hteh nak vai ah gawnu gui, lo gui la lam gui nüng ung ak gaw gui cu m’shän gui ci gui. A suinu ah pyai mawng hta pang ami tawn tu hlawt vai ah ng’coipa ne ng’yoi ci gui. Va tawn tu hta hlawt ciah chang phung cu ang ghit ah gai ci gui.

MATTHE 14:36

Cun kawn ah gawpai ci gui naw Bawipa asui pyai hta bawtah ami tawn tu vai ah ng’yoi lawk ci gui. Cun ah tawh tuk ciah chang gui phung cun phi, gai ba ci gui.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

LAMKTU 5:15

Chang gui naw gaw pai ci gui cu law püi ci gui. Peter a hteh yah ung apü püi naw baw tah ang’hnim vai ah phak ni, kawh nak gui ni awn lam ung m’shäm ci gui.

LUKA 7:2

A cu ah Roman gabawi ung beit ng’yak ciah akchangshäm om ci. Ani cu si ghep ghep ne gaw ci.

HEBRU 12:6

A i ah kyasei ci ung, Bawipa naw am hni ah Chang phung cu m’düng ne, A hta ah k’bäi ne a dou phung cu M’kyuk ci nei,” ciah kyak ci.

MAKUH 5:34

Bawipa Jesuh naw, “Kahta hnumi na yum nak naw ning gai sak pyi ci, dimdeeih nak awn hteit baä, na katnak maih yawp sä” ci ne kiak nak ci.

MATTHE 14:14

Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.

MATTHE 12:15

Bawipa Jesuh cu cun ah ami ng’ge ah mawng ng’yah netah, a hei lam ah hteit ba sei chang akda naw a hnu ah läk ci gui.

KHEI NAK 11:33

Ngami ah hmawk ah ei vai akda a om sang ung Bawipa naw chang gui m’lungshe na gui neta, ami ng’lung ah ghuih ciah nat nak gawk sak ci.

ATÜNNAK 12:17

Ghangpughang naw Sarai a laak ah phäh ah, Bawipa naw ghangpughang la mang im kyong ah chang gui ah khan ah leigai yuk chah lawk ci.

MAKUH 8:22

Bawipa Jesuh la ang düihpüi gui cu Bethsaida pigaw ah gawk lawk ci gui. Cun yah ung chang gui naw a mik m’dauh tumat cu law püi u netah, ani cu a kut awn tawk ne a gai sak vai ah ng’yoi ci gui.

LUKA 5:3

Bawipa Jesuh cu Simon ah hleiko ung vah kai ne tui lam ah hei m’hnawn ba sak gui netah, chang gui-am ng’thu m’thein gui ci.

LUKA 6:19

Bawipa Jesuh ungka hlüngtai nak naw chang khli gai sak khätah, chang gui naw Bawipa Jesuh ami tawn tu hning vai ah k’tha nak ci gui.

LUKA 7:21

Cun yah ung Bawipa Jesuh naw chang akda cu gawpai nak natnak gui ung gai sak gui ne, khoshe phi k’täm ci, amik m’dauh phi m’dei ba sak ci.