MAKUH 2:8 - Cho Bible Common Language 2016

⁸ Bawipa Jesuh naw cun ami ngaih-tüh cu hmat netah, “Nangmi a i ah kyasei, cän ah nami ngaih-tüh ang?

MAKUH 2:8 Referans Kwoze

LAMKTU 8:22

Cun ah na shet kat ah phäh ah nang yu ba vai, Cun ah na ngaih tüh cu Khanpughi naw a ning m’gein vai ah nak taigü vai.

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

JOHAN 6:64

Cun ung phi nangmi ungka amshah naw kä yum ci” cine kyak na gui ci. (Kä yum tuk ciah chang gui la ga ah kut ung ap khai ah chang cu Bawipa Jesuh naw akhtük ge ung hmat ci.)

LUKA 24:38

Bawipa Jesuh naw, “A i ah kyasei nami kyihkyawk ang? A i ah kia sei m’lung kä üp, ngaih kä gep sei nami kyak ang? Kei ah ka kut la ka kho gui cu na teng vä.

LUKA 6:8

Bawipa Jesuh naw cun ah ami ngaih hmat netah, a kut shum-am, “Ng’düi law ne ma lam ah lawä” ci khätah, cun ah chang cu tho law ne ama lam ah law ne ng’düi ci.

LUKA 5:22

Bawipa Jesuh naw cun ah ami ngaih-tüh cu hmat gui netah, “A i ah kyasei cun ah nami ngaih-tüh ang?

MATTHE 9:4

Bawipa Jesuh naw, ngami ah ngaih cu hmat netah, “Nangmi a i ah kiasei cän ah akshe ah nami ngaih-tüh ang?

EZEKIEL 38:10

Shin cu uktu Bawipa naw Kok a pyen nak ah kyak ci: “Cun ah khin a gawk law ung akshe bi vai cu nang naw tün ne na ngaih-tüh khai.

SAM 139:2

Nang naw ka bi phung cu na hmat ci; Kei ah ka ngaih-tüh avan cu a shou nak ah om ne na hmat yawp ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

MAKUH 7:21

Chan ah pukhui m’lung kyong ungka shetkat ciah ngaih tüh nak gui cu lut lawk ci; cun gui cu ng’yo ng’pawm hlü nak, m’guk nak, chang ngawn nak;

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

NG'THU K'THUUK~ 24:9

Bilawh nak phung ung akshe ah ngaih-tüh cu katnak ah kyak ci. Amät akholä vai nak cu na gah vai, cun ung ma lam ah khaw dei khai. Ah kya ne chang a i ah kä sui cicu chang gui naw thüi nak ci gui.

NG'THU K'THUUK~ 15:26

Bawipa naw m’lung ngaih akshe cu thui nak ci, cun ung phi teihpüii ng’thu cu yei nak ci.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

MATTHE 12:15

Bawipa Jesuh cu cun ah ami ng’ge ah mawng ng’yah netah, a hei lam ah hteit ba sei chang akda naw a hnu ah läk ci gui.

MATTHE 16:7

Ang düihpüi gui naw, “Mikmi naw ei vai kä mi sho khätah, cun ah a pyein ah kyak khai,” cine ami mät ng’cecäk ci gui.

MAKUH 2:7

Ani naw Khanpughi cu kat na pyi ci nei. Khanpughi bäng naw vah chang ah katnak cu phiawn sak hning ci” cine ngaih-tüh ci gui.

MAKUH 2:9

Shuum ciah chang-am, ‘Na katnak cu ning k’phiawn nei ci ang a yäi tu ba kaw? Kä cung ‘Tho law ne na ih phak look ne hteit ä’ ci ang a yäi tu ba kaw’?