MAKUH 2:7 - Cho Bible Common Language 2016

⁷ Ani naw Khanpughi cu kat na pyi ci nei. Khanpughi bäng naw vah chang ah katnak cu phiawn sak hning ci” cine ngaih-tüh ci gui.

MAKUH 2:7 Referans Kwoze

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

LUKA 5:21

Pharisee gui la Saya gui naw, “Khanpughi bäng naw vah shetkat nak phiawn hning ci, shin ah mäih ah ng’thu lawk ci, shin ah chang a u ang?” cine ngai ne ami mät ng’ce ng’cäk ci gui.

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

DANIEL 9:9

Nang naw na chimgein ci, na geinsei ci, cun ung phi keimi naw kami ning hnungtuk püi ci.

LUKA 7:49

Bawipa awn a täng ah ei ei ci gui ah chang gui naw, “Kat nak hngaw phiawn sak hning ci, shin ah chang cu a u ang?” cine ami mät ng’cecäk ci gui.

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

JOB 14:4

Kä theingthap cicu angtäi sei kä theingthap ciah chang ungka lawk ci nei.

JOHAN 10:33

Ngami naw, “Akni nabi ah phäh ah kami ning vawih hlü ah kä kyak ci, nang cu chang ah kya lang ne, Khanpughi ah ng’shei ne nang thu ah phäh ah kami ning vawi khai” cik ci gui.

MAKUH 14:64

Kat nak awn ang thu cu nami ng’ya pyi ci, nangmi naw a i ah phupit ne nami k’bäi khai ang?” cine ng’shi gui ci. Cun ah chang gui ami van naw, “Akat nak dang ci kyasei, sih nak peit vai ah khin ci nei” ci ne m’lau ci gui.

MATTHE 26:65

Cun ci khätah taigütung naw, amät ah yih sui shum ne pang netah, “shin ah chang naw Khanpughi kat na ne, thu pyein ci nei, saksi kä hlü ba te ci nei. Khanpughi kat na ne ang thu cu tuhbäi nami ng’ya yawp ci nei.

MATTHE 9:3

Thukhän saya amshah gui naw, “Shin ah chang cu Khanpughi ah khan ah katnak awn ng’thu pyein ci nei,” cine ami mät ng’cengcäk ci gui.

JOHAN 10:36

Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?

MAKUH 2:6

Cun ung phi cun ung om tuk ci gui ah thukhän saya gui naw, “A i ah kyasei shin ah chang naw, shikcha ah a pyein ang?

MAKUH 2:8

Bawipa Jesuh naw cun ami ngaih-tüh cu hmat netah, “Nangmi a i ah kyasei, cän ah nami ngaih-tüh ang?