MAKUH 2:27 - Cho Bible Common Language 2016

²⁷ Cun kawn ah Bawipa Jesuh naw akhnu ah, “Chang ah ni nak vai ah hmawk ah kyin nak hnüüp cu m’hnüt ah kyak ci, kyin nak hnüüp ah hmawk ah chang cu tüisho ah kä kyak ci.

MAKUH 2:27 Referans Kwoze

KOLOSE 2:16

Cun ah kyasei, ei awk nak ah mawng, hnüüp theing ah mawng, chaa lum la kyin nak ah mawng gui pyein ne, a u am phi thukhän kä bi-en sak vä.

LUKA 6:9

Cun kawn ah Bawipa Jesuh naw, “Ming’thukhän ung, kyin hnüüp ung ak’ni bi vai ang, akshe bi vai ang, a om? Chang phiawn sak vai ang? chang ngawn vai ang? ka ning shi gui ci nei” ci na gui ci.

THULÄÄN NAK 5:14

Cun ung phi ak chih hnüüp cu ng’düm ne, kei ung nami ng’ap nak ah kyak ci. Cun ah hnüüp ung a u naw a i kä a bi vai — nangmi, nami hta nau, nami changshäm, nami sei me, nami khaw ung om tuk ciah khawhei chang avan naw a i kä a bi vai. Nami changshäm gui cu nami mät ah mäih ah ami ng’düm tu vai.

EZEKIEL 20:12

Kami ng’lak ung yum ät nak m’hnüt nak ah kyiin hnüüp cu ami k’pan vai ah ka pyang gui ci. Acun naw ngami theingcim sak gui ciah kei, Bawipa cu shüm sak gui khai.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;

EZEKIEL 20:20

Kyiin hnüüp cu Theingcim ciah hnüüp ah pyang vä, cun ung cun cu mikmi ah bi ah thukhän m’hnüt nak ah kyak khai nei, cun naw kei, Bawipa nami na Khanpughi ah ka kyak cu ning shüm sak gui khai nei.

PHYAWN NAK 23:12

“Hnüüp chuk ung bii nami bi vai, a hnüüp chih hnüüp ung a i kä nami bi en vai. Cun ung nami bii bik ciah nami changshäm gui, khawhei chang gui la nami sei me gui cu ng’düm khai gui.

JOHAN 7:23

Akhmaw tumat kyin hnüüp ung vun-aat ne kyon ah hmawk ah Moses ah thukhän kaan ah kä ah kyak ung; a i ah kyasei kyin hnüüp ung akgaw ka gai sak ah hmawk ah nami m’lungshe ang?

2 KORIN 4:15

Shin gui avan cu nangmi ah hmawk ah kyak ci; Khanpughi ah m’gein nak gah ci da law pipi ne, Khanpughi ah bämang nak m’hlüngtai ne taigü ci phi da law pipi khai khai nei.

THULÄÄN NAK 5:12

“Kyiin hnüüp cu ngaih na ne nami theingciim sak vai. Kei, Bawipa, nami Khanpughi naw ka ning thumkhän gui ci.

MAKUH 2:28

Cun ah kyasei chang ah Htapa cu kyin nak hnüüp ah Bawipa ah kyak ci” cine kyak na gui ci.