MAKUH 2:26 - Cho Bible Common Language 2016

²⁶ Taigütung Abiatha a om yah ung David cu Khanpughi ah pum im ah lut ne, Khanpughi ami khawihnah nak ah, taigütung bäng naw a ei man ah m’htut cu, amät naw ei ne, ak chang gui-am phi m’bei gui ci ah kä kya ne ang?” cine pyen na gui ci.

MAKUH 2:26 Referans Kwoze

2 SAMUEL 8:17

Ahitub ah hta Zadok la Abiatha ah hta Ahimelek cu taigü ah kyak ci goi; Seraiah ca-gu ng’vai pi ah kyak ci;

1 SHONTÄP NAK 24:6

Eleazar la Ithamar ah ami htangshon gui cu ng’thawng thawng ne m’shüih tawk ci gui. Ngami cu Nethanela ah hta Shemaiah, Levit secretary naw ami ming gu gui ci. Ghangpughang, a bawi gui, taigü Zadok, Abiatha ah hta Ahimelek, la taigü kyong ung ami ng’vai gui, la Levit kyong chang gui cu ami van saksi ah kyak ci gui.

1 SAMUEL 21:1

David cu Nob ah taigüpa Ahimelek ah hteit ci. Ahimelek naw lut law ne cäi ne ng’hlet ne hmu neta, “A i ah kyasei shi ah namät bäng na law ang?” cine ng’shik ci.

1 GHANGPUGHANG GUI 4:4

Gakap bawi: Jehoiada ah hta Benaiah Taigü gui: Zadok la Abiatha

1 GHANGPUGHANG GUI 2:22

Ghangpughang naw, “A i ah kyasei Abishag cu ani am ka pek vai ah kei na nak thäh ang? Kei naw mangkiang mä ani am ka pek vai ah na nak thäh khai ang! Cun kawn ah ani cu ka phäi ng’vai ah kyak ci, taigü Abiatha la Joab cu ani täng ah kyak ci goi!”

1 GHANGPUGHANG GUI 1:7

Ani naw Joab (anu cu Zeruiah) la taigü Abiatha cu niipüi goi sei, ngani naw ng’düih püi vai ah yum ci goi.

2 SAMUEL 20:25

Sheva cu ca guk ciah ng’vai pi ah kyak ci; Zadok la Abiatha cu taigü ah kyak ci goi,

2 SAMUEL 15:35

Taigü goi Zadok la Abiatha cu aca om khai goi; ghangpughang ah mang im ung na ng’yak phung ngani am na m’thein goi vai.

2 SAMUEL 15:29

Cun ah kyasei Zadok la Abiatha naw Thukhän M’küm cu hteh püi ne, Jerusalem ah hteit ba ne, om ci goi.

2 SAMUEL 15:24

A cun ung taigüi Zadok cu om ci, ani awn a täng ah Levit chang gui phi om ci gui, ngami naw Thukhän M’küm cu kawt ci gui. Ngami naw cun cu hmoh u ne, chang avan mang gaw ungka, kä a luh law pha ah chuih kä chang ba ci gui. Taigü Abiatha phi a cu ah om tuk ci.

1 SAMUEL 23:9

Saul naw tu lawk khai ah apawng ah mawng cu David naw ng’ya neta, ani naw taigüpa Abiatha am, “Shawi sha law püi ä” cik ci.

1 SAMUEL 23:6

Ahimelek ah hta Abiatha cu phyawng ne, keilah ah David cu ang dawn tu yah ung, ani naw shawi cu hteh püi ci.

MATTHE 12:4

Ani la apaw gui cu Khanpughi ah pum im kyong ah lut u netah, taigü gui bäng naw ami ei man ah Khanpughi-am peit ah m’htut cu ei ci gui ah kä kya ne ang?

MAKUH 2:25

Bawipa Jesuh naw, “David naw amät la ak chang gui cawigha law aih u netah a bilawh ah mawng cu kä nami hmat tu man ne ma?