MAKUH 2:25 - Cho Bible Common Language 2016

²⁵ Bawipa Jesuh naw, “David naw amät la ak chang gui cawigha law aih u netah a bilawh ah mawng cu kä nami hmat tu man ne ma?

MAKUH 2:25 Referans Kwoze

LUKA 10:26

Bawipa Jesuh naw, “Cacim ung a i ah nei a om? Nang naw a i ah nei na hmat?” cine ng’shi tu ba ci.

MAKUH 12:26

Sih nak ungka thawh nak ba ah mawng Moses ah cacim cu kä nami phat man ne ma? Cun ah cacim, mei ah däi ciah cap-plum ah a mawng ung, Khanpughi naw, “Kei cu Abraham ah nak Khanpughi, Isaak ah nak Khanpughi, Jakob ah nak Khanpughi nei” cine Moses ah ma ah thu pyein ci.

MAKUH 12:20

Hngü-ät ung ng’phäi nau gui chang sing chih om ci gui. Ami phäi ang vaipi cu chumah netah kä hta pha ne sik ci.

MATTHE 22:31

Sih nak ungka thawh nak ba vai ah mawng Khanpughi ah thu cu kä nami phat man ne maa?

MATTHE 21:42

Bawipa Jesuh naw, “Shin ah cacim cu kä nami phat tu man ci kya ne maa? “Lung im co ci gui naw ghü ne ami ghäih ah lung cu, Ak tung pibäih ung düi ciah lung ah kya lawk ci. Cun cu Bawipa ah bi ah kya ne, ang htei ah cäicat vai ah kya ci.

MATTHE 21:16

Ngami naw Bawipa Jesuh-am “Akhmaw gui a i cine ami m’lau cu nang yak ci ang?” cine ng’shik ci gui. Bawipa Jesuh naw, “Akcang ah kang yak ci nei. Cacim ung, ‘Bawipa naw, htahmaw gui la nau hmaw gui cu ami m’hlüngtai thei vai ah Theithang gui ci nei,’ ciah om ci cu, Kä nami phat man ci ma?” cine kyak na gui ci.

MATTHE 19:4

Bawipa Jesuh naw, “Ak htük ge ung Pushipi naw pami la hnumi cu tüi pyang goi ci.

MATTHE 4:2

Bawipa Jesuh cu hnüüp phli-kip la mü phli-kip ung a ei kaa ah om netah, ei ah cawi lawk ci.

MAKUH 2:24

Cun hmuk ci gui ah pharisee gui naw, “Teng ä, nang düihpüi gui naw thukhän awn hnungtuk khai ah kyin hnüüp ung bi bik ci gui nei” cine Bawipa Jesuh cu kyak nak ci gui.

MAKUH 2:26

Taigütung Abiatha a om yah ung David cu Khanpughi ah pum im ah lut ne, Khanpughi ami khawihnah nak ah, taigütung bäng naw a ei man ah m’htut cu, amät naw ei ne, ak chang gui-am phi m’bei gui ci ah kä kya ne ang?” cine pyen na gui ci.