MAKUH 2:20 - Cho Bible Common Language 2016

²⁰ Cun ung phi ngami ung kaa, cun ah pamihta ng’pai ne a hteh nak ba vai ah hnüüp a gawk law ung, ngami cu ei hlawi khai gui nei.

MAKUH 2:20 Referans Kwoze

LUKA 17:22

Cun kawn ah Bawipa Jesuh naw ang düihpüi gui-am, “Chang ah Htapa ah kho hnüüp ät la nangmi ah ng’yak hlü ah kho hnüüp cu gawk lawk khai. Cun ung phi cun goi cu, kä ng’bui khai.

THU PHLAAN 21:9

Leigaai mawng chih awn be ciah eikbei chih kawt ciah khankho chang pachih ungka tumat cu kei ah law netah, “Law ä, Htomehta ah k’chu vai ah ng’laamihta cu ka ning m’hnuh khai nei” ci ne pyein ci.

THU PHLAAN 19:7

Htomehta ah hta m’um nak gawk law pyi ciah kyasei, mi yeikyai ne a hlüngtai nak cu mi m’kümto khai nei. Ceimah khai ah ng’laamihta cu pawng ge ne om ci nei.

2 KORIN 11:27

Kei cu yaica bawngbai ne khuut ka bik ci; ih ah phi kä ka ip hlawt ci, tui ah ka gha ci, ei ah ka cawi ci; phü ne ei vai kä om ci, yii vai kä om ci, sui vai kä om ci

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

1 KORIN 7:5

Nangmi naw k’taigü nak vai ah ng’dawt ne nami k’bäi ah akhin nami peit ah kawn ah, ng’chula goi ah ng’yak hlü cu kä nami ng’chei en sak vai nei. K’Taigü nak ang pyi kawn ah nami om man ah nami om ba vai nei. Cun ung vah nami m’lung cu htingling sak hlawt u ne Satan ah tüihtok nak cu nami m’khüt näng khai.

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

LAMKTU 3:21

Khanpughi naw a prophet theing gui ah om yah ung a pyein ah mäih ah, a päng avan ak thai ah kä ang’pian pha ah chuih cun ah Bawi cu khankhaw ah om cang khai.

LAMKTU 1:9

Cun ah ng’thu a pyän kawn ah ami hmuh ge ah Bawipa Jesuh cu, khan khaw ah kai khätah kho ng’mei naw shung sei kä hmu ba ci gui.

JOHAN 17:13

Tuhbäi kei cu nang ah ka lawk khai nei. Ngami kei ah yeikyai ah mäih ah ami yeikyai nak a be vai ah, m’dek khan ah ka om yah ung shin ah ng’thu ka pyein ah kyak ci.

JOHAN 17:11

Kei cu tuhbäi nang ah ka lawk khai kyasei, m’dek khan ah kä ka om ba khai, cun ung phi ngami om ba khai gui. Theing cim ciah Kapa! Kei-am na na peit ah ming, huham mah ciah nang ming awn phiawn sak gui ä. Cun ung vah kei la nang tumat ah ni kyak ah mäih ah ngami phi tumat ah kyak khai gui.

JOHAN 16:28

Kei cu Kapa ungka pawng ne m’dek khan ah ka lawk ci; tuhbäi ung m’dek khan ungka pawng ne Kapa ah ka hteit ba khai” ci ne pyein ci.

JOHAN 16:7

Cun ung phi kei akcang ka pyein cu, kei ka hteh law ung nangmi ah hmawk ah ni pi khai. Kei kä ka hteh ung ning m’htei gui khai cu kä lawk khai. Kei ka hteh ung vah cun ah Mumcha Theing cu ka ning tüih law gui khai.

JOHAN 13:33

Ka hta gui aw, kei cu nangmi awn a täng ah ashäng hta vah ka om ba khai. Nangmi naw nami na shui khai, kei ka hteh nak ah nangmi kä nami hteit tu hlawt khai; cine, Jew chang ng’vai gui ka pyein nak gui ah mäih ah tuhbäi nangmi ka ning pyein na gui ci.

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

MATTHE 26:31

Cun kawn ah Bawipa Jesuh naw, “Khanpughi naw htoshäm cu ngawn khätah, hto gui cu püipiang yawp khai gui ciah, cacim ung a om ah mäih ah, tuhmü nangmi cu kei na nawng ne nami dawng yawp khai nei.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

ISAIAH 62:5

Ng’piangmi hta naw ng’lami hta ak chu vai a lak ah mäih ah nangmi ning pyang gui ci naw ning puikhah püi gui khai. Chumah khai naw ak chu vai cu a yumhni ah mäih ah Nami khanpughi naw nangmi cu ning yumhni gui ci.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

SOLOMON NG’Ä~ 3:11

Zion hnumi gui, law ne ghangpughang Solomon cu teng law vä. Ani naw anu naw alu ung akbün ah lukhu cu ng’büng ci nei, cun cu a chumah hnüüp ung kyak ci, a yeikyai hüithaw nak ah hnüüp ung ah kyak ci.

SAM 45:11

Nang ah na kyom cu ghangpughang naw m’hni khai nei; Ani cu na bawi ah kyak ci, cun ah kyasei na ngaih vai.

2 KORIN 6:5

Keimi cu tukthah nak, thawng chum nak, m’thüiplah nak kami gah ci; kä ng’düm ah bi kami bik ci kya ne, ih khin ei khin phi kä om ci.

JOHAN 12:8

Pyamthaam ci gui cu nangmi awn angtäi ah nami om ci, kei läi cu nangmi awn angtäi ah kä ka om khai” cine kyak na gui ci.

MATTHE 9:15

Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

MAKUH 2:19

Bawipa Jesuh naw, “Chumah ciah pamihta ah akhin gui cu, amät awn a täng ah ami om yah ung ei hlawi hning khai gui ang? Chumah ciah pamihta a om ah chuih ei kä hlawi khai gui nei.

MAKUH 2:21

“A u naw phi sui akheei teek ci cu, tahsa akthai awn kä k’dawn man ci. Cun ah dawn ung sui kheei cu yün ne teek na pi ci.

LUKA 5:35

Cun ung phi chumah ciah pami cu ngami ungka ami hteh nak püi vai ah hnüüp gawk lawk khai nei, cun kawn ah ngami cu ei hlawi khai gui nei” cine pyen na gui ci.