MAKUH 2:13 - Cho Bible Common Language 2016

¹³ Bawipa Jesuh cu Kalile tuinu kam yung ah a htehhton ba yah ung, chang khli cu a om nak ah law u sei m’theithang gui ci.

MAKUH 2:13 Referans Kwoze

MAKUH 4:1

Bawipa Jesuh naw Kalile tuili kem ah chang gui cu m’thei thang ba gui ci, Chang khli cu a pei ah law ne ng’bum lawk ci gui. Chang gui da law aih u sei Bawipa Jesuh cu tuili kam ah hleiko ung kai ne ngok ci.

LUKA 21:38

Chang gui cu ang thu ngai tuk khai gui ah kho ngawi ah ng’dawt ne pum im ah law ci ci gui.

LUKA 19:48

Cun ung phi chang akda naw Bawipa Jesuh ah ng’thu cu, aktung ah ngai ci gui kyasei, a i chaa ah ngawn vai cicu kä hmat ci gui.

MAKUH 2:2

Cun ah kyasei chang gui ng’bum law u ne, im kyong ung m’kawt law ah khüt khai ah be ci gui. Bawipa Jesuh naw cun ah chang gui-am Thu Ni cu m’thein gui ci.

MAKUH 1:45

Cun ah chang cu hteit ba netah, a theek gai ah mawng cu van-am m’thein ne ngak ci. Cun ah a mawng cu chang van naw yat sei, ng’ya pyi ciah kyasei, Bawipa Jesuh cu a i pigaw ah phi akdei ang dang ah kä hteit hlawt ci. Ang thuh nak pigaw k’pung lam ah hteit ne om ci ci. Cun ung phi apigaw päng ungka chang akda cu a om nak ah gawk lawk ci gui.

MATTHE 13:1

A cu hnüüp Bawipa Jesuh cu im ungka lut law ne, am thei nak gui vai ah tuili kam pei ah hteit ne ngok ci.

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

MAKUH 10:1

Cun kawn ah Bawipa Jesuh cu, cun ungka ng’düi law ne Judea kho ah hteit netah, Jordan tuinu hei kat ci. Chang gui cu Bawipa Jesuh ah pei ah ng’cut law ba u sei, am theithang man ah m’theithang ba gui ci.