MAKUH 2:12 - Cho Bible Common Language 2016

¹² Chang khli ah ma ah cun ah chang cu tho law ne, a ih phak kawt ne hteit ba ci. Cun ah tho law ne a hteh ba cu hmu u netah, chang gui cu ang htei ah cäicat ci gui. “Shin ah mäih cu a i yah ung phi kä hmuh ng, yak man nei” cine Khanpughi cu m’hlüngtai ci gui.

MAKUH 2:12 Referans Kwoze

MATTHE 9:33

Bawipa Jesuh naw khoshe ak täm vai-am cun ah ak ang cu ng’thu law thei sei, cun hmuk ciah chang gui cu cäicat u netah, “Shin ah mäih ah a mawng ama cu Israel kho ung kä hmuh man nei,” ci ne pyein ci gui.

MATTHE 9:8

Acun ah mawng hmuh teng tuk ciah chang gui cu cäicat u netah, chang gui-am shin ah mäih ah huham pek ciah Khanpughi cu m’hlüngtai ci gui.

LUKA 7:16

Chang gui cäicat u netah mikmi ung profet mang tumat dang law pyi ci nei, Khanpughi cu akchang gui hun khai ah law pyi ci nei” cine Khanpughi cu m’hlüngtai ci gui.

LAMKTU 4:21

Kawngsi ng’vai gui naw, ngah ni cu khen neh k’taap ba goi ne tah tüi ba gawi ci gui. Acun ah a mawng gui hmuh tuk ciah chang gui naw Khanpughi m’hlüng m’tai yawp u khä tah ang düihpüi gui cu a i ah phi käm kat gui hlawt ci gui.

JOHAN 9:32

Cau puyin ung tün ne, anupuk ung amik m’dauh ci m’dei ba sak ci, ci cu kä mi ng’ya man ci.

JOHAN 7:31

Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.

LUKA 17:15

Ngami ung kaa, chang tumat cu anat nak a maih hmat law netah, Khanpughi cu m’lau ne m’hlüngtai ne, Bawipa Jesuh ah pei ah law ba ci.

LUKA 13:13

ak khan ah a kut taih sei, ani cu acun vai-am ak khei yäih ba sei gai ba ne, Khanpughi m’hlüngtai ci.

LUKA 5:26

Cun hmuk ciah chang gui ami van cäicat kyikyawk u netah, “tuhngawi mi hmu teng cu ang htei ah küikyang aih ci nei” ci ne kyak ci gui.

MAKUH 1:27

Chang gui cu ang htei ah cäicat u netah, “shin ah a mawng cu a i hawkcha ah ang? m’theithang nak ak thai a hei ang? Ani naw khoshe gui cu k’täm gui sei, ngami naw ang thu cu ngai ci gui nei” cine ami mät ng’cecäk ci gui.

MATTHE 15:31

Ak ang gui thu thei ci gui, apumsa kä küm ci gui küm ba ci gui, akho khem gui hteit thei ci gui, amik m’dauh gui m’dei lawk ci gui, acun gui cu chang gui naw hmu u netah, ang htei ah cäicat u neh Israel gui ah Khanpughi cu m’hlüngtai ci gui.

MATTHE 12:23

Chang gui cu ang htei ah cäicat u netah, “Shin ah chang cu David ah htapa ah kyak khai ang? cine kyak ci gui.

MAKUH 2:11

“Tho law ne, na ih phak look ne im ah hteit ba ä” cine pyen nak ci.