MAKUH 16:17 - Cho Bible Common Language 2016

¹⁷ Zum ciah chang gui cun naw cäi aih vai bi nak hning ah hlüngtai nak gah khai gui. Kei ah ming awn khoshe phi k’täm khai gui, thu a hlü hlü phi pyein hning khai gui,

MAKUH 16:17 Referans Kwoze

LAMKTU 5:16

Cun bäng ah kä kyak ciah Jerusalem ah pei pigaw yung ah ka gawpai ci gui, Khaw ‘she ah kai gui cu ami van gai ba yawp ci gui.

1 KORIN 12:28

Khanpughi naw khrithabum ah kyong ung, ak htük bäih ah ang düih püi gui, ak hnih nak ah purofet gui, ak thum nak ah saya gui; cun kawn ah cäi aih vai m’dang ci gui, cun ah hnu ah gawpai ci gai sak nak ah hlüngtai nak om ci gui, pawchang m’hteihtang hning ci gui, m’shüm thein hning ci gui, kä hmat ah ng’thu ah thu nak thei gui a phäh phäh ah tüi m’hnüt gui ci.

1 KORIN 12:10

Mumchabawi naw chang tumat am cäi aih vai bi nak ah hlüngtai nak, a hei tumat am Khanpughi ah Thu thuuk pyein nak; a hei tumat am Mumchabawi ah peit ah thagui ah kyak ci la kä kyak ciah m’khoichaa nak, cu pe ne; chang tumat am Ng’thu a hlü hlü pyein thei nak, a hei tumat am, cun ah thu a hlü hlü cu k’phlan ne pyein nak ah k’thagui cu pek ci.

LAMKTU 8:7

Khaw she ah kai gui ah chang akda ung ka, khaw she gui cu m’lau ne lut law ne dawng ci gui. Akut khaw shum ciah chang gui phi gai ba ci gui.

LUKA 10:17

Ang khah püi chih-kip-lei-goi cu ang htei ah yeikyai ne law ba u netah, “Bawipa, nang ah ming awn khoshe gui phi kami näng ci nei” cine pyein law ba ci gui.

LAMKTU 10:46

A i ah kyasei ci ung ngami naw kä hmat ah ng’thu awn Khanpughi ami hlüng tai ah hmawk ah kya ci.

JOHAN 14:12

Kei naw akcang ka pyein cu, Kei na yum ciah chang naw kei ah bi gui cu bi hlawt khai.

LAMKTU 19:6

Paul naw ami lu khan ah a kut taih khäh tah Mumcha Theing cu ami khan ah gawk law sei kä hmat ah thu pyein u ne, Khanpughi ah thu phi pyein ci gui.

1 KORIN 14:2

Kä hmat ah ng’thu pyein ci cu, chang ng’thu püi ciah kä kyak ci, Khanpughi ng’thu püi ciah kyak ci, ani ah ng’thu cu a u naw kä hmat ci. Ani cu Mumcha hlüngtai nak awn thuuk ciah ng’thu gui pyein ci.

1 KORIN 12:30

Ngahmi ami van cu gawpai ci gai sak ci, kä hmat ah thu ah thu pyein hning ci, acun ah ng’thu k’phlan ne pyein hning ciah kä kyak ci gui nei.

1 KORIN 13:1

Kei cu m’dek chang ah thu a hlü hlü la khanchang ah thu ah ka ng’thu thei ung phi, m’hni nak kä a om ung, tum bä ung ng’ging ciah k’bei la ng’sheei ah mäih ah ka kyak ci.

LAMKTU 16:18

Cun ah hnumi hta cu kho hnüüp akda ung acun cine ng’hawh laih laih khä tah, Paul cu am lung kä ni law sei, cun ah chang cu ng’hlah shi netah, “Jesuh Khrit ah ming awn kei naw ka ning k’täm ci, shin ah hnumi ungka lut law ne a hei ah na hteh vai” cine khoshe cu k’täm ci. Acun vai am khoshe cu lut law ne a hei ah hteit ci.

MAKUH 9:38

Johan naw, “Bawipa, nang ah ming awn chang tumat naw, khoshe cu k’täm sei kami hmuk ci. Ani cu keimi awn a täng ah kä hteit tuk ci. Cun ah kyasei keimi naw, nang Bawipa ah ming kä a pyein vai ah kami maa nak nei” cine m’thein lawk ci.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.