MAKUH 16:14 - Cho Bible Common Language 2016

¹⁴ Cun kawn ah ang düihpüi chang sing gha-lei-ät naw ei vai ne ami ei yah ung, Bawipa Jesuh cu ami ma ah ng’dang lawk ci. Ngami cu ami yum nak kä a om ah hmawk la Bawipa Jesuh sih nak ungka a thawh ba kawn ah Bawipa Jesuh hmuk ciah chang gui ah ami pyein cu kä ami yum nak hning ah hmawk ah yüi gui ne m’cäi gui ci.

MAKUH 16:14 Referans Kwoze

1 KORIN 15:5

Peter ah maa ah ang dang ba ah mawng la ang düihpüi gha-lei-goi ah maa ah ang dang ba ah mawng gui ah kyak ci.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

JOHAN 20:27

Cun kawn ah, Thomas-am, “Na kut awn shin ung nam tham ä, ka kut phi na teng ä, na kut k’phiaat ne kam hnaak cu nam tham shüm ä, a i ni mä, ciah kä ngai ne yum ä” ci nak ci.

MATTHE 11:20

Bawipa Jesuh naw cäi aih gui vai am dang nak pyii ah pigaw gui cu, katnak ungka ng’yu ba nak kä om khätah, shin ah yüi ne m’cäi gui ci.

LUKA 24:25

Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw,

MAKUH 7:18

Bawipa Jesuh naw, “Nangmi shin hlawk hngaw kä nami hmat hlawt ci ma?

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

KHEI NAK 14:11

Bawipa naw Moses cu pyen nak ci, shin ah chang gui naw a i güt na hnungtuk püi khai gui ang? Cäi-aih vai gui akchün akda m’dang pang ä sei phi, ngami naw a i güt kei ung ami ng’ap vai cu mak khai gui ang?

MATTHE 28:17

Ngami naw Bawipa Jesuh cu hmu u netah, kawp ne khawihnah ci gui. Cun ung phi amshah gui naw, kä ngaih gep ci gui.

LUKA 24:11

Ang düihpüi gui naw hnumi gui ah pyein cu, kä yum veih ci gui.

JOHAN 20:25

Cun ah kyasei apaw gui naw, “Bawipa kami hmu ba pyi ci nei” cine m’thein tuk ci gui. Thomas naw, “Akut ung ami khen nak ah hnün kä ka hmuh ung a kut awn ami khen nak ah ng’gai kä ka m’tham shüm ung, am’hnaak ka kut awn kä ka m’tham shüm ung, kä ka yum khai nei” cik ci.

JOHAN 20:26

Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.

JOHAN 21:1

Cun kawn ah Bawipa Jesuh cu Tiberias Tuili pei ah ang düihpüi gui ah ma ah ng’dang ba ci.

JOHAN 21:14

Bawipa Jesuh sih nak ungka a thawh ba kawn ah ang düihpüi gui ah ma ah ang dang ba cu tuhbäi awn thum vei lawk ci.

LAMKTU 1:3

Ani cu asih kawn ah hnüp phlikip ah kyawng ung ang düihpüi gui ah ma ah akda vei ng’dang ba neh a ghin ba ah mawng cu ak cang ah m’dang shüt ci. Ang düihpüi gui naw ani cu hmuk ci gui, ani naw phi Khanpughi ah uknak khaw ah mawng cu m’theithang gui ci.