MAKUH 16:13 - Cho Bible Common Language 2016

¹³ Ngani naw a hei ang düihpüi gui ah ma ah hteit ba ne a cun ah mawng cu pyein ci goi, cun ung phi ngami naw kä yum ci gui.

MAKUH 16:13 Referans Kwoze

JOHAN 20:25

Cun ah kyasei apaw gui naw, “Bawipa kami hmu ba pyi ci nei” cine m’thein tuk ci gui. Thomas naw, “Akut ung ami khen nak ah hnün kä ka hmuh ung a kut awn ami khen nak ah ng’gai kä ka m’tham shüm ung, am’hnaak ka kut awn kä ka m’tham shüm ung, kä ka yum khai nei” cik ci.

JOHAN 20:8

Cun kawn ah ng’cim hmun ah gawk law ma ciah ang düihpüi cun phi, khui kyong ah lut law tu ne, acun gui hmu tu netah yum ge ci.

LUKA 16:31

Abraham naw, “Ngami cu Moses la Profet gui ah ng’thu kä a mi ngaih läi ung sih nak ungka tho law ba ci a om ung phi ngami naw, kä yum hlawt khai gui cik ci” cine m’thein gui ci.

MATTHE 28:17

Ngami naw Bawipa Jesuh cu hmu u netah, kawp ne khawihnah ci gui. Cun ung phi amshah gui naw, kä ngaih gep ci gui.

MAKUH 16:11

Cun ah kyasei Bawipa Jesuh ghing ne a om la Mari naw a hmuh ah mawng ng’ya u ne phi kä yum ci gui.

MAKUH 16:14

Cun kawn ah ang düihpüi chang sing gha-lei-ät naw ei vai ne ami ei yah ung, Bawipa Jesuh cu ami ma ah ng’dang lawk ci. Ngami cu ami yum nak kä a om ah hmawk la Bawipa Jesuh sih nak ungka a thawh ba kawn ah Bawipa Jesuh hmuk ciah chang gui ah ami pyein cu kä ami yum nak hning ah hmawk ah yüi gui ne m’cäi gui ci.

LUKA 24:11

Ang düihpüi gui naw hnumi gui ah pyein cu, kä yum veih ci gui.

LUKA 24:41

Cun ung phi ngami cu cäi aih u netah, kä yum hlawt ne ami kiak yah ung, “Nangmi ung ei vai om ne ang?” cine ng’shi gui ci.