MAKUH 16:10 - Cho Bible Common Language 2016

¹⁰ Ani cu Bawipa Jesuh ah ang düihpüi gui ah om nak ah hteit ne, acun ah a mawng cu m’thein gui ci. Ang düihpüi gui cu cun yah ung thükyap ne om ci gui. Cun kawn ah Bawipa Jesuh naw, ang düihpüi gui cu kho nüng kho cawi ah khüt khai ah tüi gui ne, Theing cim ne angtäi ghing ciah ng’thu ah kyak ciah angtäi hun nak ah mawng cu pyein sak gui ci.]

MAKUH 16:10 Referans Kwoze

JOHAN 20:18

Cun ah kyasei Mari Madalen cu ang düihpüi gui ah om nak ah dawng ba netah, Bawipa a hmuh ah mawng la Bawipa naw am cäi gui cu m’thein ba gui ci.

JOHAN 16:6

Acun ah mawng ning m’thein gui ngä sei nami m’lung thüi ngai ci.

LUKA 24:17

Bawipa Jesuh naw, “Nangni lam na ni hteh ah k’phei ah a i ang nani pyein” cine ng’shi goi ci. Cun kawn ah ngami cu, ani hmai m’kiuum ne ng’düi ni netah,

MAKUH 14:72

Cun yah ung ai ak hnih vei nak ah khong ba ci. Cun ah kia khätah, “Ai hnih vai kä a khon pha ung, nang naw kei cu kä na nak shing ciah pyein ne, thum vei na na mak khai nei” cine Bawipa Jesuh a pyein te ah ng’thu cu shüm law ba netah Peter cu ang htei ah thüi ne kyap ci.

MATTHE 9:15

Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

MATTHE 19:22

Cun ah chang cu ang htei ah bühmang ci kya ne, Bawipa Jesuh naw cun ah a pyein cu ng’ya netah, kä yei nüng ne hteit ba ci.