MAKUH 16:1 - Cho Bible Common Language 2016

¹ Kyin nak hnüüp ang pyi kawn ah Mari Makdalene la, James ah nu Mari ni, Salome ni gui cu Bawipa Jesuh ah a gook hluk nak vai ah tui ng’ui khleih ci gui.

MAKUH 16:1 Referans Kwoze

LUKA 23:56

ng’cim hmun la a gook m’shän ne ami k’phuh cu ang hteing ah hmu tuk ci gui. Kyin nak hnüüp ung thukhän läk u ne, a i kä bi ah adüm ah om ci gui.

MAKUH 15:40

Hnumi amshah gui naw ng’shawng pipi netah Bawipa Jesuh cu teng ci gui. Cun ah chang gui cu, Mari Makdalene, Ak hmaw ba James la Josef ah nu Mari la Salome ni gui ah kyak ci.

JOHAN 19:31

Jew chang ng’vai gui naw kutlamtung ung ami tai gui ah kho gui cu m’khep u netah, ami gook gui ami lak vai cu, Pilat ah ma ah pyein ci gui. Cun ah ami pyein ah mawng cu, cun nak hnüüp cu ak hmaa hnüüp ah kya sei, a ngawi ung ami kyin vai hnüüp ung, kutlamtung ah khan ah gook kä ah om vai la, cun ah kyin hnüüp cun phi hnüüp theing ah a kyak ah hmawk ah kyak ci.

JOHAN 19:25

Cun yah ung Bawipa Jesuh ah anu la anu ah anau ni, Clopas ah k’chu Mari la Mari Makdalin ni gui cu Bawipa Jesuh ah kutlamtung pei ah ng’düi ci gui.

MAKUH 16:8

Cun ah hnumi gui cu cäicat kyikyawk aih u netah, ng’cim hmun ah kaa dawng ba ci gui. Ngami cu kyikyawk aih u netah a u phi kä thu püi ba ci gui. [

MAKUH 15:47

Cun ah ami khai cu Mari Makdalene la Josef ah nu Mari naw hmu tuk ci goi.

MAKUH 14:8

Shin ah hnumi naw amät ah m’khüt nak bäät awn kei cu nam htei ci nei. Kei ah ka gook cu m’cim vai ah ng’dawt ne tui ng’ui awn shawi pyi ci nei.

MAKUH 14:3

Bawipa Jesuh cu Bethani pigaw ah khei-lei ung gaw man-te ciah Simon ah im ah kai ne om tuk ci. Ani ei a ei tu yah ung hnumi hta tumat naw, ang htei ah a phu küi ciah Naduh tui ng’ui cu k’doulung tui-um ung law püi netah, acun ah tui-um cu shu yauh ne, cun ah tui ng’ui awn Bawipa Jesuh ah lu cu shawi ci.

2 SHONTÄP NAK 16:14

ani cu David Mang gaw ah amät naw a vüh ah lungpou phuh hmun ung phuh ci gui. Ngami naw ani ah pumsa cu tui ng’ui gui la situi gui awn pyang ne phuh u neta, ani ah sih ah phäh ah ami thüi sei nak ah mei akdäm ah bum ne cik ci gui.

LUKA 23:54

Cun ah hnüüp cu akchuk hnüüp ah kya ne, a ngawi ung kyin nak hnüüp ah kya lawk khai kyak ci.

MAKUH 15:42

Acun ah hnüüp mühun lam ah Arimathea ah kaa, Josef ming nak ciah chang tumat cu gawk lawk ci. Ani cu chang ah kyih aa tu ah bawimang chang vai ah kyak ci. Ani cu Khanpughi ah uknak kho a gawk law vai cu yum ne ngäng ciah kyak ci. (Cu hnüüp cu a ngawi ung kyin vai kyasei ami pawng m’hteim nak ah kyak ci.) Acun ah chang naw Pilat ah ang ghit ah va hteit ne Bawipa Jesuh ah a gook cu htüm vai ah vak thäh ci.

ATÜNNAK 50:2

Joseph naw apa ah gook cu tui ng’ui a hlü hlü awn pyan sak gui ci.

MAKUH 16:2

Ng’len hnüüp khongawi htasiik ah khohni aluh law yah ung ngami cu ng’cim hmun ah hteit ci gui.

LUKA 24:1

Ak hnüüp ät hnüüp kho ngawi hta ah, kho kä thai pha sei, hnumi gui cu ami pyan m’tham ah tuing’ui gui hteh püi ne, ng’cim hmun ah hteit ci gui.