MAKUH 15:40 - Cho Bible Common Language 2016

⁴⁰ Hnumi amshah gui naw ng’shawng pipi netah Bawipa Jesuh cu teng ci gui. Cun ah chang gui cu, Mari Makdalene, Ak hmaw ba James la Josef ah nu Mari la Salome ni gui ah kyak ci.

MAKUH 15:40 Referans Kwoze

LUKA 23:49

Kalile ah kaa law tuk ci gui ah Bawipa läk lawk ci gui ah hnumi gui la Bawipa hmat ciah chang gui cu ang shawng ah ng’düi u netah, Bawipa Jesuh cu teng ci gui.

MAKUH 16:9

Ng’len hnüüp khongawi htasiik ah Bawipa Jesuh cu sih nak ungka a thawh ba kawn ah Mari Makdalene ah ma ah ng’dang ba ma ci. Ani cu khoshe pachih naw kai sei Bawipa Jesuh naw ak täm peit te ah chang ah kyak ci. Hnumi gui cu Peter la apaw gui ah om nak ah hteit u netah, ami hmuh ng’yak gui phung cu avan m’thein gui ci gui.

MATTHE 28:1

Kyin hnüüp ah ngawi ung ng’leen hnüüp kho thai ghi ghi sei, Mari Magdalene la a hei Mari cu ng’cim hmun ah hteit ci goi.

MATTHE 27:61

Ng’cim hmun pei ah Mari Magdalene la a hei Mari ni cun phi ngo ne om ci gui.

MATTHE 13:55

Ani cu m’si sheh a hta ah kä kya ne ang? Ani cu Mary ah hta, a nau gui cu James, Josef, Simon la Judas ah kä kya ne ang?

1 KORIN 9:5

Peter la Bawipa ah nau gui ni, ang düihpüi m’shah gui ni ah mäih ah kei cu ka htehhtawn nak ah ka k’chu ka khahpüi hning ciah kä kya ne ang?

MAKUH 15:47

Cun ah ami khai cu Mari Makdalene la Josef ah nu Mari naw hmu tuk ci goi.

SAM 38:11

Ka gaw nak ah hmawk ah ka teihpüi, paw chang gui naw phi kä na et ba khai gui, ka kyong ung ka gui naw phi na hteh tak khai gui nei.

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

KALATIAN 1:19

Cun ung phi kei naw Bawipa ah nau James ah kawn ah ang düihpüi a hei a u phi kä ka hmuk ci.

MATTHE 10:3

Philip la Bartolome; Thomas la Matthe akhawn look; Alphaeus ah hta James la Thaddaeus;

MAKUH 16:1

Kyin nak hnüüp ang pyi kawn ah Mari Makdalene la, James ah nu Mari ni, Salome ni gui cu Bawipa Jesuh ah a gook hluk nak vai ah tui ng’ui khleih ci gui.

LUKA 19:3

Ani naw Bawipa Jesuh a i ah mäih lawk ci ang cine, a hmuh tu vai ah k’tha nak ci. Cun ung phi ani cu tawi hta ci kya ne, chang da aih khätah Bawipa Jesuh cu kä hmu tu hlawt ci.