MAKUH 15:4 - Cho Bible Common Language 2016

⁴ Cun ah kyasei Pilat bawi naw Bawipa Jesuh-am, “Nang cu a i ah phi käng thu ne na om düt ci ma? Nang cu a i hlawk ah ning m’kat ne ami ning huttaap cu na hmat khai nei” ci ne pyen nak ci.

MAKUH 15:4 Referans Kwoze

JOHAN 19:10

Cun ung phi Bawipa Jesuh naw käm shang ci. Pilat naw, “A i ah kiasei kä na nam shan ang? Kei naw nang ka ning k’phiawn hning la kutlamtung ung tai ne ka ning ngawn hning cu, kä na hmat ci ma?” cine pyen nak ci.

MATTHE 27:13

Cun ah kyasei Pilat naw, “Chang gui naw shin hlawk ah ning m’kat ne ami ning huutaap cu kä na ng’yak ci ma?” cine pyen nak ci.

MATTHE 26:62

Taigütung cu düi law netah, “Shin ah chang gui naw nang cu a i ng’gu ang, ami ning bün, nang naw m’hlan ne na pyein tu ba vai kä om ba ne ma, cine Bawipa Jesuh cu ng’shik ci.

MAKUH 15:3

Taigüpa gui naw Bawipa Jesuh cu aktung ah m’kat ne huttaap ci gui.

MAKUH 15:5

Cun ung phi Bawipa Jesuh cu kä chiü ne a düm ah om khätah, Pilat bawi cu ang htei ah ngaihtüh khit ci.