MAKUH 15:32 - Cho Bible Common Language 2016

³² Israel Ghangpughang, Messiah Bawipa, kutlamtung ungka kyum law ba sä, cun kami hmuh ung kami yum khai nei” cine kyak nak ci gui. Bawipa Jesuh awn a täng ah kutlamtung ung ami ngawn goi naw phi Bawipa Jesuh cu päipih ci goi.

MAKUH 15:32 Referans Kwoze

MATTHE 27:44

Bawipa Jesuh awn a täng ah kutlamtung ung ami ngawn ah m’guk-ei goi naw phi acun ah mäih ah päipih tuk ci goi.

2 TIMOTHI 2:18

Ngahmi cu cacim ah düng nak ungka lam hma u ne, ‘Sih nak ung ka mi thawh nak ba cu gawk law pyi ci nei,’ ci u ne yum ciah chang gui ah yum nak cu ng’lat sak ci gui.

MATTHE 1:17

Cun ah kyasei Abraham ungka naw David ung khüt ciah ng’shon gha-lei-phli, David ungka naw Israel chang gui pha ne Babilon ah ami hteh püi gui ung khüt ciah ng’shon gha-lei-phli, Babilon ah pha ne ami hteh püi nak gui ungka naw Messiah ang tüi law ung khüt ciah ng’shon gha-lei-phli ah kyak ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

ZEPHANIAH 3:15

Bawipa naw aning m’kyuk nak gui ng’pyi sak ci nei; Ani naw nami ga avan k’täm pyi ci nei. BAWIPA, Israel ghangpughang cu nang awn atäng ah om ci nei; Tuhbäi kyih vai ah mawng a i kä om ba ci nei.

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

ROMAN 3:3

Chang amshah cu pyein ah kä ami om ah a kyak ung, acun ah phäh ah Khanpughi phi pyein ah kä om ciah kya thei khai ang!

JOHAN 12:13

Ngami cu hliip hnah, m’chum hnah gui kawt ne law u netah, “Khanpughi ah bämang nak cu m’hlüngtai vä! Khanpughi ah ang ming awn kyum lawk ciah Bawipa ah khan ah hlüngtai nak om sä! Israel Ghangpughang ah khan ah Khanpughi ah m’shumphyuk nak om sä!” cine m’lau ne Bawipa Jesuh cu ana dou ci gui.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

MAKUH 15:26

Bawipa Jesuh ami m’kat nak ah kutlamtung ung gu ne ami tai ah ca cu, “Jew Chang gui ah Ghangpughang” ciah kyak ci.

MATTHE 27:42

“Shin ah chang cu, chang hei lä k’phiawn hning ci, amät läi kä k’phiawn hning ne maw, ani cu Israel ghangpughang ah kä kya ne ma, kutlamtung ungka a tuhbäi a kyum law ba ung keimi naw kami yum khai nei.

MAKUH 15:27

Bawipa Jesuh awn a täng ah m’guk-ei pahnih cun phi akpat lam ah tumat ak eng lam ah tumat ah kutlamtung ung tai ne ngawn tuk ci gui.