MAKUH 15:3 - Cho Bible Common Language 2016

³ Taigüpa gui naw Bawipa Jesuh cu aktung ah m’kat ne huttaap ci gui.

MAKUH 15:3 Referans Kwoze

ISAIAH 53:7

“Ani cu shedam na u ne, zawhnem nak ci gui; Cun ung phi ani cu adümah om ci, ng’thu m’khaät phi kä pyen ci. Ami ngawn law vai ah htome hta ah mäih ah, amu ami k’teih law vai ah htome ah mäih ah, ani naw ng’thu m’kha ät phi kä pyen ci.

JOHAN 19:12

Cun ah a pyein cu ng’ya netah Pilat naw, Bawipa Jesuh k’phiawn nak vai ah lam cu shui ci. Cun ung phi chang gui naw, “Ani nak phiawn ah a kyak ung, nang cu ghangpughang ah teihpüi ah kä na kiak khai. Amät naw amät ghangpughang ah pyein ciah chang cu, ghangpughang ng’küütneet püi ciah kyak ci nei” cik ci gui.

MAKUH 15:5

Cun ung phi Bawipa Jesuh cu kä chiü ne a düm ah om khätah, Pilat bawi cu ang htei ah ngaihtüh khit ci.

MATTHE 27:12

Bawipa Jesuh naw, “Na pyein ah kyak ci nei,” ci nak ci. Cun ung phi taigüpa gui la ami ng’vai gui naw m’kat ne ami ng’shi nak gui cu, a i ah phi kä m’hlan tuba gui phung ci.

MAKUH 15:2

Pilat bawi naw, “Nang cu Jew chang gui ah ghangpughang akcang ah na kyak ci ma?” cine ng’shik ci. Bawipa Jesuh naw, “Nang ah pyein ah kyak ci nei” cine pyein ci.

MAKUH 15:4

Cun ah kyasei Pilat bawi naw Bawipa Jesuh-am, “Nang cu a i ah phi käng thu ne na om düt ci ma? Nang cu a i hlawk ah ning m’kat ne ami ning huttaap cu na hmat khai nei” ci ne pyen nak ci.

SAM 38:14

Kei cu a i kä ng’yak ne, a u kä m’shang thei ciah mäih ah ka kyak ci.