MAKUH 15:26 - Cho Bible Common Language 2016

²⁶ Bawipa Jesuh ami m’kat nak ah kutlamtung ung gu ne ami tai ah ca cu, “Jew Chang gui ah Ghangpughang” ciah kyak ci.

MAKUH 15:26 Referans Kwoze

MATTHE 27:37

“Shin cu Jesuh, Jew Chang gui ah ghangpughang nei” ciah ca gu ne tai ci gui.

MATTHE 2:2

“Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

MAKUH 15:2

Pilat bawi naw, “Nang cu Jew chang gui ah ghangpughang akcang ah na kyak ci ma?” cine ng’shik ci. Bawipa Jesuh naw, “Nang ah pyein ah kyak ci nei” cine pyein ci.

ISAIAH 10:7

Cun ung phi Assirian ghangpughang ung ak ghat ah bi vai ah am lung kyong ung a pawng püi om tu hnga ci. Ani naw chang pakhui akda m’di vai ah k’bäi pyi ci.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

THULÄÄN NAK 23:5

Cun ung phi Bawipa nami Khanpughi naw Balaam cu kä ngai ci; ani naw plahtam nak cu hriham ah m’hlat ci, a i ah kyasei ci ung ani naw ning m’hni gui ci.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

MAKUH 15:27

Bawipa Jesuh awn a täng ah m’guk-ei pahnih cun phi akpat lam ah tumat ak eng lam ah tumat ah kutlamtung ung tai ne ngawn tuk ci gui.

MAKUH 15:32

Israel Ghangpughang, Messiah Bawipa, kutlamtung ungka kyum law ba sä, cun kami hmuh ung kami yum khai nei” cine kyak nak ci gui. Bawipa Jesuh awn a täng ah kutlamtung ung ami ngawn goi naw phi Bawipa Jesuh cu päipih ci goi.