MAKUH 15:2 - Cho Bible Common Language 2016

² Pilat bawi naw, “Nang cu Jew chang gui ah ghangpughang akcang ah na kyak ci ma?” cine ng’shik ci. Bawipa Jesuh naw, “Nang ah pyein ah kyak ci nei” cine pyein ci.

MAKUH 15:2 Referans Kwoze

MATTHE 2:2

“Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.

1 TIMOTHI 6:13

A päng avan am ghin nak pek ciah Khanpughi la Pontius Pilate ah ma ah a yum nak a kheng geng ah m’dang ciah Khrit Jesuh ah ma ah kei naw thukhän ka ning pek ci,

MAKUH 15:26

Bawipa Jesuh ami m’kat nak ah kutlamtung ung gu ne ami tai ah ca cu, “Jew Chang gui ah Ghangpughang” ciah kyak ci.

MAKUH 15:18

“Jew Chang gui ah ghangpughang ghi ne ghing sä” cine ngüm täu ne päipih ci gui.

MAKUH 15:12

Pilat bawi naw, “Jew chang gui ah ghangpughang nami cicu a i ah ka ci vai ang? ci ne ng’shi ba gui ci.

MAKUH 15:9

“Nangmi naw Jew chang gui ah ghangpughang cu m’hlawt vai ah nami ng’yak hlük ci ang?” cine ng’shi gui ci.

MAKUH 15:3

Taigüpa gui naw Bawipa Jesuh cu aktung ah m’kat ne huttaap ci gui.