MAKUH 15:19 - Cho Bible Common Language 2016

¹⁹ Cun kawn ah alu ung htung awn that ci gui, ami m’shi awn m’thui ci gui, ama ah m’khukdoong ne kawp ne taigü ng’hlawk ci gui.

MAKUH 15:19 Referans Kwoze

MAKUH 14:65

Chang amshah gui naw Bawipa Jesuh cu ami m’shi awn m’thui ci gui. A hmai uk ne tuthat u netah, “A u ning tuthat ci ang pyein shüm ä” cine kyak nak ci gui. Taigütung ngäng ciah gakap gui naw a hmai cu k’beeih ci gui.

HEBRU 13:13

Cun ah kyasei mikmi cun phi gaw ah k’pung ah hteit ne, Bawipa ah lü ng’aa nak cu, mi ng’pai tuk khai nei.

PHILIPPIAN 2:10

Cun ah kiasei khankho la khomdek ung om ci nüng ni, khomdek ah ka ah om ci nüng ni naw, Bawi Zesuh ah ming cu m’tamkhah u ne,

ROMAN 11:4

Cun ung phi Khanpughi naw Elijah ah ma ah thu a pyein ba cu, “Kei naw Baal khoshe ah gup kä khawihnah ciah, chang tämkäp chih cu, ka mät ah hmawk ah ka k’pawih na pyi ci nei,” ciah kyak ci.

LUKA 23:36

Gakap gui cun phi yu aktai tu u netah,

LUKA 23:11

Herod la agakap gui naw phi, Bawipa Jesuh cu, päipih ne shedam nak ci gui. Cun kawn ah aktung ah m’sui m’sak netah Pilat bawi ah tüi ba ci.

LUKA 22:63

Bawipa Jesuh cu ngäng ne m’täp ciah chang gui naw päipih u ne, tuthat ci gui.

MAKUH 10:34

Chang khui hei gui naw chang ah Htapa cu päipih u ne, ami m’shi awn m’thui khai gui, that khai gui, ngawn khai gui; cun ung phi ak hnüüp thum hnüüp ung sih nak ungka tho ba khai nei” ci ne m’thein gui ci.

MAKUH 9:12

Bawipa Jesuh naw, “Apäng avan cu ana pyang m’tham ma khai ah Elijah cu akcang ah kyum law ma khai. Cun ung phi cacim naw, “Chang ah Htapa cu yaica nak la shedam nak khan khai” cine a i ah kyasei a pyein ang?

MIKHAH 5:1

Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.

ISAIAH 52:14

Chang akda cu ani hmu u neta cat ci gui; Ani cu sheshui düt ne kyak ci kya ne, Chang ah mäih phi kä law ba ci.

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ISAIAH 45:23

Kei ah ka shaitak cu akcang ah kyak ci, cun cu kä thawng hlai phung khai nei. Chang avan ung aktung ah shai ka tak ci nei: Chang päing law ne, kei ah ma ah m’khuk dong ne, kei ah ma ah bekhüt khai pyen ne shai tak khai gui nei.

SAM 69:12

Ngami naw lam lung ungka mawng pyen u ne, awktat ci gui naw na ng’äi ci gui.

JOB 13:9

Khanpughi naw akcang ah aning teng ah akyak ung na ni nak cu hmuk khai ang? Chang ah khan ah na guktak ah mäih ah Khanpughi ah khan ah na guktak khai ah na ngai ne ma?

1 GHANGPUGHANG GUI 19:18

Cun ung phi kei naw Israel ung chang phia chih kip cu ka ghin sak gui khai — ngami ami van cu kei ung bekhüt u ne, Baala ma ung kä kawp ci gui, ani ah a gup kä ng’ui hnam ci gui ah kyak ci.”

ATÜNNAK 43:28

Ngami naw, “Na chang, kami pa cu ghing ci nei, gai ci nei” ci u neta kawp ne m’khukdawng ci gui.

ATÜNNAK 24:52

Cun ani cicu Abraham ah changshäm naw ng’ya neta, kawp ne Bawipa cu khawihnah ci.

MATTHE 27:30

Ngami naw Bawipa Jesuh cu ami m’si awn m’thui ci gui. Htung tawn la u ne alupum ung that ci gui.

MAKUH 15:18

“Jew Chang gui ah ghangpughang ghi ne ghing sä” cine ngüm täu ne päipih ci gui.

MAKUH 15:20

Cun ah päipih u netah asen hlui ah sui cu suh ba sak u ne, amät ah sui te cu m’sui ba ci gui. Cun kawn ah kutlam tung ung tai ne, ngawn vai ah Bawipa Jesuh cu hteh püi ci gui.