MAKUH 15:15 - Cho Bible Common Language 2016

¹⁵ Pilat naw, amät cu chang gui naw ami yum vai ng’ya hlü netah Barabbas cu k’phiawn ne Bawipa Jesuh cu tuhthat netah, kutlam tung ung tai ne ami ngawn vai ah ap gui ci.

MAKUH 15:15 Referans Kwoze

JOHAN 19:1

Cun kawn ah Pilat naw Bawipa Jesuh cu khü netah, tukthah sak gui ci.

MATTHE 27:26

Cun kawn ah Pilat naw, Barabbas cu k’phiawn ne Bawipa Jesuh cu tuthat netah, kutlamtung ung tai ne ami ngawn vai ah ap gui ci.

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

MAKUH 10:34

Chang khui hei gui naw chang ah Htapa cu päipih u ne, ami m’shi awn m’thui khai gui, that khai gui, ngawn khai gui; cun ung phi ak hnüüp thum hnüüp ung sih nak ungka tho ba khai nei” ci ne m’thein gui ci.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

SAM 129:3

Ngami naw ka hnu k’pang ung thuuk khai ah na k’phleim u ne, lai thawh ah mäih ah bik ci gui.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

JOHAN 19:16

Cun kawn ah Pilat naw Bawipa Jesuh cu kutlamtung tai ne ami ngawn vai ah ami kut ung ap gui ci. Cun ah kyasei Bawipa Jesuh cu hteh püi ci gui.

SAM 57:11

O Khanpughi, na dämduh nak khomik ung m’dang ä, Na bäimang nak m’dek khan ung be sä.

KALATIAN 1:19

Cun ung phi kei naw Bawipa ah nau James ah kawn ah ang düihpüi a hei a u phi kä ka hmuk ci.

LAMKTU 25:9

Festus cu Judah chang gui ah chang m’sui nak ng’ya hlü netah, “Nang cu Jerusalem ah ning hteh püi netah kei naw ka ning ng’shi vai na yum khai ang?” cine Paul cu ng’shik ci.

LAMKTU 24:27

Cun kawn ah khokum goi lüng khä tah, Felix ah hnün ung Porcius Festus cu Gawmang ah kya lawk ci. Felix cu Judah chang gui naw ami chang m’sui vai ng’ya hlü netah, Paul cu thawng ung chum lä shüt ci.

LUKA 18:33

htung awn that khai gui, ngawn khai gui. Cun ung phi ak hnüüp thum hnüüp ung tho ba ne ghing ba khai nei” cik ci.

MATTHE 20:19

Ngami naw ani cu ngawn vai ah k’bäi u netah changpakhui hei gui-am ap khai gui. Chang pakhui hei gui naw ani cu päipih u ne, htung awn that u netah, kutlam tung ung tai ne ngawn khai gui nei. Cun ung phi chang ah Htapa cu ak hnüüp thum hnüüp ung sih nak ungka tho ba khai nei,” cine pyein ci.

MAKUH 15:14

Pilat naw, “Ani naw shetkat nak a i ang abi? cine ng’shi ba gui ci. Chang gui naw, “Cun ah chang cu kutlamtung ung tai ne ngawn vai nei” ci ne m’lau law piktäi ci gui.

LUKA 23:16

Cun ah kyasei ani cu, htung awn that netah, ka tüi ba khai nei” cik ci.