MAKUH 14:72 - Cho Bible Common Language 2016

⁷² Cun yah ung ai ak hnih vei nak ah khong ba ci. Cun ah kia khätah, “Ai hnih vai kä a khon pha ung, nang naw kei cu kä na nak shing ciah pyein ne, thum vei na na mak khai nei” cine Bawipa Jesuh a pyein te ah ng’thu cu shüm law ba netah Peter cu ang htei ah thüi ne kyap ci.

MAKUH 14:72 Referans Kwoze

MAKUH 14:30

Bawipa Jesuh naw Peter-am, “Kei naw akcang ka pyein cu, tuhmü ai kä a khon pha ung, nang naw kei cu, ‘Ani kä ka hmat ci nei’ cine na na mak khai nei” cine pyen nak ci.

MAKUH 14:68

Peter naw, “Nang naw na pyein cu kei naw kä ka k’shing ci, hmat ah phi kä ka hmat ci,” cine ma ne pyein ci. Cun kawn ani cu im cham ah m’kawt pei lam ah hteit ci. Acun yah ung ai khong law htük ci.

EZEKIEL 7:16

Am shah gui cu khongnawi ungka kyi ne zong ciah mümkha gui ah mäih ah khomhtung tang ah dawng ne phyawng ci gui, Ngami ami van cu ami katnak ah phäh ah thüi sei khai gui.

2 KORIN 7:10

Khanpughi ah mang ah thüisei nak naw m’lung kyong ng’thawng sak ne, hun nak ah gawk sak ci Cun ah phäh ah thüi nak pi kä om ci! Cun ung phi ng’yu ba nak kä om ciah thüisei nak cu sih nak ah kyak ci.

LUKA 22:62

Cun ah kyasei, akpung ah lut law ne ang htei ah thüi ne kyap ci.

LUKA 22:60

Cun ung phi Peter naw “Chang aw, nang ah na pyein ah mawng cu, kei naw kä ka hmat ci nei” cik ci. Peter naw, cun a ci vai-am, ai khong lawk ci.

MATTHE 26:34

Bawipa Jesuh naw, “Kei naw akcang ka pyein cu, atuhmü ai kä a khon pha ung, nang naw kei cu, ‘Ani kä ka hmat ci nei,’ cine thum-vei na na mak khai nei,” cine Peter cu pyen nak ci.

EZEKIEL 36:31

Nangmi naw akshekha nami bilawh la chei ci gui. Nami bilawh cu nami shümba khai, nami katnak gui la nami chei nak gui ah phäh ah nami mät naw nami mät ning shemshai gui khai.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

2 SAMUEL 24:10

David naw cun ah chang khei nak abi kawn ah am lung kyong ung yaica nak gawk lawk ci, cun ah kyasei ani naw Bawipa am, “Kei naw shin bi ne kyih aih vai ah katnak ka bik ci nei! Na bä ni na m’gein sei ä. Ak gu ang ah ka hnün tho pyi ci nei” cik ci.

MAKUH 14:71

Cun ung phi Peter naw, “Akcang ka pyein nei, nangmi ah pyein ah chang cu kä hmat ci nei, Khanpughi naw phi hmat sä” cine ma ba mä ci.