MAKUH 14:65 - Cho Bible Common Language 2016

⁶⁵ Chang amshah gui naw Bawipa Jesuh cu ami m’shi awn m’thui ci gui. A hmai uk ne tuthat u netah, “A u ning tuthat ci ang pyein shüm ä” cine kyak nak ci gui. Taigütung ngäng ciah gakap gui naw a hmai cu k’beeih ci gui.

MAKUH 14:65 Referans Kwoze

LAMKTU 23:2

Taigü tung Ananias naw a pei ah ng’düi ciah chang gui am, Paul cu am gawng ung k’beeih sak gui ci.

JOHAN 19:3

A pei ah hteit u netah, “Jew ghangpughang ak shou ghing sä” ci ne m’lau u ne, a hmai ung k’beeih ci gui.

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

JOHAN 18:22

Bawipa Jesuh naw cun ci khätah, ngäng ciah chang tumat naw, “Taigü Tung ah ma ah a i vai shikcha ah nang thu ang” ci ne Bawipa Jesuh cu a hmai ung k’beeih ci.

MAKUH 15:19

Cun kawn ah alu ung htung awn that ci gui, ami m’shi awn m’thui ci gui, ama ah m’khukdoong ne kawp ne taigü ng’hlawk ci gui.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

ISAIAH 52:14

Chang akda cu ani hmu u neta cat ci gui; Ani cu sheshui düt ne kyak ci kya ne, Chang ah mäih phi kä law ba ci.

JOB 30:10

Ngami naw kei cu ka m’shemshai ciah pyen u ne ngami awn kei cu kä khinkha khai ah ngai ci gui.

ESTA 7:8

Ani cu Esther ah yihphak ung ng’yän ne ng’tat ne, Esther ung ng’pa khai ah a kyak yah ung, ghangpughang cu duum ah kaa kyong ah lut law ba ci. Cun cu hmu law neta ghangpughang naw m’lau ne, “Shin ung, ka mät ah mang im ung, ka ma ge ah, shin ah chang naw ghangpughangnu cu akshe ah om püi hlü ne ang?” cik ci. Ghangpughang naw acun a ci vai am hnumi uk gui naw Haman ah hmai cu shung ci gui.

KHEI NAK 12:14

Bawipa naw, “Ani cu apa naw a hmai ung am thui ah a kyak ung ani cu hnüüp chih ung a thüisei nak om khai. Cun ah kyasei ani cu hnüüp chih ung Shaum pigaw ah akpung ah nami om sak vai, cun kawn ah akyong ah nami law püi ba vai.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

MAKUH 10:34

Chang khui hei gui naw chang ah Htapa cu päipih u ne, ami m’shi awn m’thui khai gui, that khai gui, ngawn khai gui; cun ung phi ak hnüüp thum hnüüp ung sih nak ungka tho ba khai nei” ci ne m’thein gui ci.

MIKHAH 5:1

Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.

2 SHONTÄP NAK 18:23

Prophet Zedekiah naw Mikaiah ah law ne a hmai beeih neta a pyen cu, “A i ah ung ang Bawipa ah Mümcha naw kei na hteh ta ne, nang a ning thu püi?”

MATTHE 27:30

Ngami naw Bawipa Jesuh cu ami m’si awn m’thui ci gui. Htung tawn la u ne alupum ung that ci gui.