MAKUH 14:61 - Cho Bible Common Language 2016

⁶¹ Cun ung phi Bawipa Jesuh cu m’kha ät ah phi ng’thu kä pyein ne a düm hta ah om ci. Taigütung naw, “Nang cu yeikyai nak ah Khanpughi ah Htapa Messiah ah na kyak ci ma?” cine ng’shi ba mä ci.

MAKUH 14:61 Referans Kwoze

MAKUH 15:2

Pilat bawi naw, “Nang cu Jew chang gui ah ghangpughang akcang ah na kyak ci ma?” cine ng’shik ci. Bawipa Jesuh naw, “Nang ah pyein ah kyak ci nei” cine pyein ci.

ISAIAH 53:7

“Ani cu shedam na u ne, zawhnem nak ci gui; Cun ung phi ani cu adümah om ci, ng’thu m’khaät phi kä pyen ci. Ami ngawn law vai ah htome hta ah mäih ah, amu ami k’teih law vai ah htome ah mäih ah, ani naw ng’thu m’kha ät phi kä pyen ci.

JOHAN 19:7

Chang gui naw, “Ani cu amät naw a mät Khanpughi ah Hta ah a pyein ah hmawk ah sih nak peit vai ah keimi ah ng’thukhän ung om ci nei” cik ci gui.

1 PETER 2:23

Shedam nak ci phi kä shedam na tu ba ci, a geinvai yah ung phi, a u kä ng’vanglaak na ne, düng sei m’khoichak ciah Khanpughi ung, ang ngaih u nak cu ap ci.

JOHAN 10:36

Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?

JOHAN 1:34

Cun ah chang cu kei naw ka hmu pyi ci kyasei, “Ani cu Khanpughi ah Htapa ah kyak ci nei, cine ka ning m’thein gui nei” cik ci.

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

MATTHE 8:29

Ngahni naw, “Khanpughi ah Htapa, Bawipa, nang naw keini cu a i ah na na ci goi hlük ci ang? Akhin kä gawk law pha sei keini cu, na nam kat goi khai ah na lawk ci ma?” cine m’lau ci goi.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

SAM 119:12

O Bawipa, ka ning m’tam ci nei; Na lam gui cu na m’thei ä.

SAM 39:9

Kei cu adüm ah ka om khai, m’kha ät ah phi kä ka ng’thu khai, a cun ah ka om vai cu nang ah bi ah kyak ci nei.

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

1 TIMOTHI 6:15

Tumat bäng ah kya ne, phyuhtheh ne uk ciah ghangpughang nüng ah Ghangpughang, bawi nüng ah Bawipa, Khanpughi naw, a khin a khüm nak ung Bawipa cu dang law ba sak khai nei.

1 TIMOTHI 1:11

Shin ah theithang nak cu Thu Ni ung hmu ah Khanpughi ah bämang nak la phruhtheh nak ung ka lawk ciah Thu Ni, Kei naw ka shäu vai ah Khanpughi naw a na ap ah kya ci.

LAMKTU 8:32

“Ngawn vai ami hteh püi ah Htome hta ah mäih ah ani cu hteh püi ci gui. Amu ami k’teiü peit ung ak’aw käm hluh law neh om ciah Htome hta ah mäih ah, ani cu ak’aw käm hluh law ah om ci.

JOHAN 19:9

Cun ah kyasei kyong ah lut law ba netah, Bawipa Jesuh-am, “Nang a hawi kaa na lawk ci ang?” cine ng’shik ci.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

JOHAN 10:24

Chang gui naw ani cu k’Koi u netah, “Keimi naw kami ngaih khit vai ah nang, a i güt na kyak khai ang? Messiah ah na kyak ung keimi-am ang dang ah nam thein gui ä” cik ci gui.

MAKUH 14:60

Taigütung naw chang gui ah ng’lung ah ng’düi law netahBawipa Jesuh-am, “Ngami naw ng’thu nikbün ne ning huttaap ne ami kyak cu, a i ah phi kä nam hlan tuba gui ci ma?” cine ng’shik ci.