MAKUH 14:55 - Cho Bible Common Language 2016

⁵⁵ Taigüpa gui la kawngsi yung bawi gui naw Bawipa Jesuh ngawn nak hning ah katnak saksi cu k’tha na ne shui ne phi kä hmuk ci gui.

MAKUH 14:55 Referans Kwoze

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

DANIEL 6:4

Ahei tängpang ci gui la uktu gui naw Daniela ah tängpang ne a uknak ung a hma nak hmuh vai ah tha nak ci gui. Cun ung phi kä hmu hlawt ci gui, a i ah kyasei ci ung Daniela cu ba” ciah kya ne hma nak la kä düng nak cu kä bi phung ci.

SAM 35:11

Changshe gui naw na hnu ng’tuk püi u ne, kä ka hmat ah a mawng ama nak bün ci gui nei.

SAM 27:12

Hleei hlak shedam nak awn na ng’tuk püi ciah ka gaa gui ah ng’lung ah kä na nawng-en ä.

1 GHANGPUGHANG GUI 21:13

Chang omshe goi naw chang ah ng’lung ung ani cu tawk ni ne, Khanpughi la ghangpughang yeeihkah nak ci nei, ci ni khäta, ani cu mang gaw k’pung ah hteh püi ne lung awn vawi ne ngawn ci gui.

1 GHANGPUGHANG GUI 21:10

Cun kawn ah chang omshe hnih khü goi neta, ngani naw a hmai ung tawk ne, shin ah chang cu khanpughi la ghangpughang yeeihkah nak ci nei, ci ni sä. Cun kawn ah ani cu mang gaw k’pung ah hteh püi ne, lung awn vawi ne ngawn vä” cik ci.

MAKUH 14:56

Acun ah mawng ung chang akda naw ami hleei pyein ne saksi ci gui. Cun ung phi ngami ah saksi gui cu a hei ah kyak ci.

JOHAN 18:19

Täigu Tung naw, Bawipa Jesuh cu, ang düihpüi gui ah a mawng la am theithang ah a mawng gui cu k’cet ne ng’shik ci.

JOHAN 18:21

Cun ah kyasei a i vai, k’cet ne kei cu na na ng’shi ang? Kei ah m’theithang ngai ng’yak ci gui cu ng’shi gui ä, kei naw a i ah kam theithang gui cu ng’shi gui ä, ngami naw hmat ci gui nei” ci ne pyen nak ci.