Bawipa Jesuh naw, “Nangmi nami van cu kei na nawng ne nami dawng yawp khai nei, a i ah kyasei ci ung cacim ung, ‘Khanpughi naw hto shäm cu ngawn khätah, hto gui cu püipiang yawp khai gui nei” ciah om ci.
Nangmi nami im phäh phäh ah püi ne nami dawng nak ba vai ah a khin gawk lawk khai nei. Kei cu ka mät nami na nawng shüt khai. Cun ung phi akcang ah ka mät kä ka om khai, Kapa naw na om püi khai.
Kei cet ne ami na ng’shi sang ung, kei na hunshawih khai ah a u phi kä ng’düi lawk ci, van naw kei cu na nawng ci gui nei. Khanpughi naw ngami ah bi nak cu kä ngaihdam men pe gui sä!
Bawipa Jesuh naw, “Ani cu kei nei, cine ka ning m’thein gui pyi ci, Nangmi naw kei nami na shui ci a kyak ung, shin ah chang gui hteit tei u sä” cik ci.
Bawipa naw m’shang ci, “Kei naw chang pakhui gui cu sapyit neen ah mäih ah ka neen gui ci, a u naw law ne kä na bawn tuk ci. Kei naw m’lungshe ne neen gui ngä sei, ami si cu ka sui avan ung kawp ci.
Kei cu ak hnüüp tä sei nami ma ge ung pum im ah m’theithang gui ne ka om ci. Cun yah ung nangmi naw kä nami na phak ci. Cun ung phi cacim cu akcang ah küm khai nei” ci ne kiak na gui ci.