MAKUH 14:49 - Cho Bible Common Language 2016

⁴⁹ Kei cu ak hnüüp tä sei nami ma ge ung pum im ah m’theithang gui ne ka om ci. Cun yah ung nangmi naw kä nami na phak ci. Cun ung phi cacim cu akcang ah küm khai nei” ci ne kiak na gui ci.

MAKUH 14:49 Referans Kwoze

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.

JOHAN 8:2

Cun ung phi Bawipa Jesuh läi cu Olive m’htung ah kai ci. A ngawi ung kho ngawi hta ah Taigüim ah hteit ba ne chang gui akda law u sei, ngo netah m’theithang gui ci.

LUKA 22:37

Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.

MAKUH 12:35

Bawipa Jesuh naw pum im ah am theithang gui yah ung, ani naw ang shi gui cu, ‘Messiah cu David ah hta ng’shong ungka ah kyak khai’ cine, a i hawkcha ah thukhän saya gui naw ami pyein hning ang?

MATTHE 26:56

Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.

MATTHE 26:54

Cun ung phi kei naw cun ah ka bi ung a i hawk-cha ah cacim cu kümbe hlawt khai ang,” cine kyak na gui ci.

MATTHE 1:22

Shin ah amawngma gui cu profet gui-am Khanpughi naw am cäi nak gui ah ng’thu a khüm nak ah kyak ci.

JOHAN 10:23

Bawipa Jesuh cu taigü kyong, Solomon ah k’caw ah hteit shüi shüi ci.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

LUKA 19:47

Bawipa Jesuh naw ak hnüüp tä Taigüim ah m’theithang gui ci. Cun ung phi taigü ng’vai gui, Thukhän saya gui la, Jew chang ng’vai gui naw Bawipa Jesuh cu, ami ngawn vai ah k’tha nak ci gui.

MAKUH 11:27

Bawipa Jesuh la ang düihpüi gui cu Jerusalem mang gaw ah gawk law ba u netah, Bawipa Jesuh cu pum im lam ah a hteh yah ung, taigüpa gui, thukhän saya gui la chang ng’vai gui cu Bawipa Jesuh ah pei ah law u netah,

MATTHE 26:55

Cun kawn ah Bawipa Jesuh naw, chang gui-am, “Nangmi cu m’gut ei pha ah mäih ah kei nami na phak khai ah, htung tawn ni khim ni kawt ne nami lawk ci ma? Kei naw ak hnüüp tä pum im ung ngo ne kam theithang yah ung nangmi naw kei kä nami na phak ci maw?

MAKUH 10:1

Cun kawn ah Bawipa Jesuh cu, cun ungka ng’düi law ne Judea kho ah hteit netah, Jordan tuinu hei kat ci. Chang gui cu Bawipa Jesuh ah pei ah ng’cut law ba u sei, am theithang man ah m’theithang ba gui ci.

MAKUH 14:48

Bawipa Jesuh naw, “Nangmi cu m’guk ei pha ah mäih ah kei nami na phak khai ah khim la htung tawn gui khawt ne nami lawk ci ma?

MAKUH 14:50

Cun yah ung ang düihpüi gui cu Bawipa Jesuh nawng shüt ne püi ne dawng yawp ci gui.