MAKUH 14:40 - Cho Bible Common Language 2016

⁴⁰ Taigü yawp ne law ba sei ang düihpüi thum gui cu, a cun bä ah ana ip ba u sei hmu gui ci. Ngami cu käm dei law hlawt ne ngam u netah, Bawipa Jesuh ah ma ah a i ami pyein vai kä hmat ci gui.

MAKUH 14:40 Referans Kwoze

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

ATÜNNAK 44:16

Judah naw, “Bawi aw, keimi a i kami pyen ba hning khai aw, a i cha kami ling tuba thei khai aw, a i cha kami ng’huut thei khai aw, Khanpughi naw kami katnak m’dang pyi ci nei. Khap hmuh nak ah chang bäng ah kä kyak ci, kami van cu na changshäm ah kami kyak ci nei.

MAKUH 14:39

Cun kawn ah Bawipa Jesuh cu hteit ba ne acun ah mäih ah taigü ba mä ci.

MAKUH 14:41

Bawipa Jesuh cu ak thum vei nak ah taigü ne law ba netah, “Nangmi cu tuhgüt ip ne, ng’te ne, nami om ci ma? Bä khai nei, akhin gawk lawk ci nei, chang ah Htapa cu changshe gui ah kut ung ap lawk khai gui nei.

LUKA 9:32

Peter la apaw gui cu ngam ne ip ci gui. Cun ung phi ami ng’shüm law ba ung Bawipa Jesuh ah pyü khang nak la ani awn a täng ah ng’düi ciah chang goi cu hmuk ci gui.