MAKUH 14:36 - Cho Bible Common Language 2016

³⁶ “Kapa Khanpughi, nang cu angtäi avan nam khüt hning ci kiasei, shin ah yaica nak ah khap cu na phiawn ah sak ä. Cun ung phi kei ah ng’yak hlü ah kä kia-en ne, na mät ah ng’yak hlü ah kya sä” ci ne ani naw a bui awt law vai ah yaica nak cu, bä khai a kyak ung a phiawn nak hning vai ah taigü ci.

MAKUH 14:36 Referans Kwoze

KALATIAN 4:6

Nangmi cu a hta gui ah nami dang vai ah, Khanpughi naw, “Pa, Ka Pa,” cine ng’khü ciah A Htapa ah Mumcha cu mi m’lung kyong ah yuk m’kyum lawk ci.

JOHAN 5:30

“Ka mät ah m’khüt näng nak awn a i kä ka bi hning ci, Khanpughi ah nam cäi ah mäih ah m’khoichaa nak ka bik ci. Ka mät ah ng’yak hlü ah ka bi vai ah kä ka tha nak ci, na tüi lawk ciah ang yak hlü bäng ah bi ka bik ci; cun ah kyasei kei ah m’khoichaa nak cu düng ci.

2 TIMOTHI 2:13

Mikmi kä mi bekhüt ung phi, Bawipa cu bekhüt ci, a i ah kyasei ci ung Ani cu amät naw amät cu käm shet phung ci.

JOHAN 12:27

“Tuhbäi kei cu kamlung thüi ci nei, a i cine ka taigü khai aw? Kapa, tuhbäi kei ah khan ah gawk lawk khai ah akhin ungka na phiawn sak kä! ka cik khai ang?

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

PHILIPPIAN 2:8

Ani cu am lung neim sak ne kutlam tung ung asih nak ung khüt sei, Khanpughi ah ng’thu cu läk ci.

JOHAN 18:11

Bawipa Jesuh naw, “Na chim cu bun ba ä, Kapa naw ana peit ah yaica nak ah khap cu kei naw kä ka awk khai ah na ngai ne ma? ci ne Peter cu m’cäi ci.

MAKUH 10:27

Bawipa Jesuh naw ngami cu kheing ne teng gui netah, “Cun cu chang naw kä am khüt hlawt ung phi Khanpughi naw m’khüt hlawt ci. Ang tüi avan cu Khanpughi naw m’khüt hning ci nei” ci ne m’thein gui ci.

JOHAN 4:34

Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

JEREMIAH 32:27

“Kei cu Bawipa, hnicim chang avan ah khanpughi nei. Kei ah phäh ah khak aih ci a i kä om ci.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

ATÜNNAK 18:14

Bawipa ah kä m’khüt a i om ne ang? Ka pyen ah mäih ah acha kaw nak ung ka law ba khai, Sarah cu pami hta ah hta khai nei” cik ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

MATTHE 26:42

Bawipa Jesuh cu ang hnih vei nak ah hteit ba mä netah, “Oh Kapa shin ah yaica nak ah khap cu kei naw kä ka awk ung käng phlän khai ah a kyak ung, nang ah ng’yak hlü ah kyak sä,” cine taigü ci.

MAKUH 14:37

Cun kawn ah Bawipa Jesuh cu ng’hlat law ba netah, ang düihpüi gui thum cu ip u sei hmu gui ci. Cun ah kya sei Bawipa Jesuh naw, Peter-am, “Simon, na ip ci ma? Nayi khat hta bäng ah kyong hngaw ung kä ih ah kä na om hlawt ci ma?” cine pyen nak ci.

MAKUH 10:39

Ngani naw, “Kani m’khüt khai nei” cine pyein ci goi. Bawipa Jesuh naw, “Nangni cu akcang ah kei ah awk vai ah khap cu nani aw tuk khai, Kei ah tui hnim ah mäih tui nani ng’hnim tuk khai,