MAKUH 14:26 - Cho Bible Common Language 2016

²⁶ Cun kawn ah Bawipa Jesuh la ang düihpüi gui cu, m’hlüngtai nak ng’äi m’cu u ne Olive khomhtung lam ah hteit ci gui.

MAKUH 14:26 Referans Kwoze

MATTHE 26:30

Cun kawn ah ngami cu ng’äi m’cu u ne Olive khomhtung lam ah hteit ci gui.

LUKA 22:39

Bawipa Jesuh cu a hteh man ah Olive m’htung ah hang kai ba sei ang düihpüi gui naw a hnu ah läk tuk ci gui.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

JAMES 5:13

Nangmi ungka yaica nak ung gawk ciah chang cu, taigü sä, yeikyai ciah chang naw ng’äi m’cu sä.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

1 KORIN 14:15

Cun ung kei naw a i chaa ka bik khai ang? Ka mümcha awn ka taigü ung kam lung kyong ung phi kak taigü khai; ka mümcha awn ng’äi kam cu ung kam lung kyong ung ng’äi kam cu khai.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

MATTHE 21:1

Bawipa Jesuh la ang düihpüi gui cu Jerusalem k’et lawk ciah Olives khomhtung pei Bethphage gawnu ah gawk law ci gui. Bawipa Jesuh naw ang düihpüi hnih cu khü goi netah,

MAKUH 14:25

Kei naw ka ning m’thein gui cu, Khanpughi ah kho ung sapyit tui awk nak ah kho hnüüp kä a gawk law pha ah chuih, cän kawn ah kei cu sapyit tui kä ka aw tu ba khai” cine ang düihpüi gui-am pyen na gui ci.

JOHAN 18:1

Cun ah ak taigü kawn ah Bawipa Jesuh cu ang düihpüi gui awn atäng ah Kidron tuilawng cu hei kan ci gui. A cu ah lo-chaam tumat om ci, ngami cu acun ah lo-chaam kyong ah hteit ci gui.