MAKUH 14:22 - Cho Bible Common Language 2016

²² Bawipa Jesuh la ang düihpüi gui cu mü-ei ami ei yah ung, Bawipa Jesuh naw m’htut cu la netah Khanpughi m’hlüngtai ne taigü ci. Cun kawn ah m’htut cu k’bou ne, “Shin ah m’htut cu kei ah ka pumsa ah kyak ci, la ne nami ei vai” cine ang düihpüi gui-am tei gui ci.

MAKUH 14:22 Referans Kwoze

MAKUH 14:24

Bawipa Jesuh naw, “Shin ah khap cu Chang akda ah hmawk ah kei, naw ka huk ah ka si, Khanpughi naw ang thukhän am hnüt nak ah ka si, ah kyak ci.

LUKA 24:30

Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci.

JOHAN 6:23

Cun ung phi Tiperia ah kaa lawk ciah hleiko gui cu Bawipa Jesuh naw taigü ne chang akda-am ei am bei nak gui te ah pei ah gawk lawk ci gui.

MAKUH 6:41

Cun kawn ah Bawipa Jesuh naw m’htut pum hma la nga pahnih cu la netah khankho dang ne Khanpughi ah bämang nak cu m’hlüng tai ci. Cun kawn ah m’htut cu k’bou ne chang gui-am ami tei gui vai ah ang düihpüi gui-am pe gui ci. Acun ah nga pahnih cun phi ang düihpüi gui-am pe gui ci.

MATTHE 14:19

Bawipa Jesuh naw chang gui cu, taa ng’phan khan ah ngoh sak gui netah, m’htut, pum hma la nga pahnih cu la ne, khankho dan ne Khanpughi m’hlüngtai ci. Cun kawn ah m’htut cu bou ne ang düihpüi gui-am pe gui ci, ngami naw chang gui-am tei gui ci gui.

ZEKHARIAH 5:7

Dawn ung kawn khe awn ami pyan ah a khüm om ci. Kei naw ka teng sangung a khüm cu ng’hmawng law khäta, dawn ah kyong ah hnumi nu ngaw sei ka hmuk ci.

ATÜNNAK 41:26

Vantang akplan chih cu khokum chih, htang vui angtak chih cun phi khokum chih ah kyak ci, cun goi cu täng ci goi.

KALATIAN 4:25

Hakar cu Arabia kho ah, Sinai m’htung ah hnün ung ng’düi ci. Ani naw tuhbäi khlei htein ah kyak ciah Jerusalem la acun ung chang gui cu dang sak ci.

1 KORIN 10:4

Ngahmi cu, ngami awn a täng ah hteittuk ciah mümcha lungnu ung kaa tui cu awk ci gui; Cun ah Lungnu cu Bawi Khrih amät ah kyak ci.

MAKUH 10:16

Cun kawn ah Bawipa Jesuh naw ak hmaw hta gui cu chang ne k’pawm gui netah, ami khan ah a kut taih ne m’shumphyuk nak pe gui ci.

MAKUH 14:21

Cacim ung om ciah mäih ah chang ah Htapa cu sik khai, cun ung phi chang ah Htapa ap ciah chang cu ang htei ah thüi sei nak om ci. A ni cu kä ang tüi tu ge vai sü ung ani ah hmawk ah bä pi khai süte” cine pyein ci.

MAKUH 14:23

Cun kawn ah khap cun phi la ne Khanpughi m’hlüngtai netah, ang düihpüi gui-am tei gui sei, ngami ami van naw awk ci gui.

LUKA 22:17

Cun kawn ah Bawipa Jesuh naw, sapyit tui khap cu la ne, Khanpughi m’hlungtai netah, “Shin ah khap cu la ne ng’tei ne aw vä,