MAKUH 14:20 - Cho Bible Common Language 2016

²⁰ Bawipa Jesuh naw, “Cun ah chang cu kang düihpüi gha-lei-goi ungka ah kyak ci. Kei ah ka ei nak ah k’bei ung phyom ne ei tuk ciah kyak ci.

MAKUH 14:20 Referans Kwoze

JOHAN 13:26

Bawipa Jesuh naw, “Shin ah m’htut k’bou ne khap ung yuk phung netah ka peit ah chang cu a ani nei” cine m’htut bou la ne khap ung phung netah, Simon Iskhariot ah hta Judas-am pek ci.

JOHAN 6:71

Simon Iskariot ah hta Judas cu, angdüihpüi gha-lei-goi ung kaa ah kya tu pang ne phi, Bawipa Jesuh cu gaa ah kut ung ap khai ah chang ah kya khätah, cun ah a pyein ah kyak ci.

LUKA 22:47

Cun ah Bawipa Jesuh naw ng’thu a pyein yah ung ang düihpüi gha-lei-goi ungka Judas cu chang gui khah püi ne lawk ci, Ani cu Bawipa Jesuh ah pei ah ng’et law netah, Bawipa Jesuh cu ng’ui ci.

MAKUH 14:43

Cun ah Bawipa Jesuh naw ng’thu a pyein yah ung ang düihpüi chang gha-lei-goi ungka Judas cu gawk lawk ci. Ani awn a täng ah khim ni, htung tawn ni kawt ci gui ah, chang akda cu law tuk ci gui. Cun gui cu taigü pa gui, thukhän saya gui la Jew chang vai gui ah tüih law gui cu ah kyak ci.

MATTHE 26:47

Cun ah Bawipa Jesuh naw thu a pyein yah ung, ang düihpüi gha-lei-goi ung kaa, Judas cu, htung tawn ni, khim ni, kawt ci gui ah chang khli awn a täng ah gawk lawk ci gui. Cun ah chang gui cu taigüpa gui la ami ng’vai gui naw ami tüih law gui ah kyak ci.

MATTHE 26:23

Bawipa Jesuh naw, “Kei awn a täng ah ei-bei ät ung ei ciah chang naw kei cu ga ah kut ung na ap khai nei.

NG'THU K'THUUK~ 19:24

Chang amshah gui cu ami shai ung ami hang bai vai ah phi dam ci gui.

MAKUH 14:19

Ang düihpüi gui cu ami m’lung thüi yawp khätah, “Cun cu kei na na pyein ah kä kyak ci ang?” cine ami van naw ng’shi lawk ci gui.

MAKUH 14:21

Cacim ung om ciah mäih ah chang ah Htapa cu sik khai, cun ung phi chang ah Htapa ap ciah chang cu ang htei ah thüi sei nak om ci. A ni cu kä ang tüi tu ge vai sü ung ani ah hmawk ah bä pi khai süte” cine pyein ci.