MAKUH 14:14 - Cho Bible Common Language 2016

¹⁴ Ani ah luh nak ba ah im ah hteit tu ni netah, im-ah-am, “Bawipa naw, ‘Kei la kang düihpüi gui naw phiawn nak mü-ei ei nak vai ah kyong khui a hawi ang? cine nang ng’shi sak gui ci’ cine nani pyein vai.

MAKUH 14:14 Referans Kwoze

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

JOHAN 13:13

“Nangmi naw kei-am, ‘Saya awi, Bawipa awi’ cine nami na khü ci. Acun ah ka kyak ci kyasei, acun ah nami na khü cu nik ci.

JOHAN 11:28

Cun kawn ah Mahta cu im ah hteit ba ne a nau Mari cu va khü ba netah, “Bawipa Lawk ci, nang ah mawng phi na ng’shik ci,” cik ci.

MAKUH 11:3

Gui cu k’phian ne cun ah ng’se hta cu nani law püi vai. Chang naw ‘A i vai ng’se gui nani k’phian ang’ cine a ning shi goi ung, “Shin ah ng’se cu kami Bawi naw ng’ya hlük ci, ang ghit ah ning thak law ba gui vai nei’ cine nani pyein vai” cine m’cäi goi ci.

MAKUH 10:17

Bawipa Jesuh cu a hei lam ung hteit khai ah a pawng yah ung chang tumat cu a pei ah law ne, m’khukdong netah, “Nik ciah sayapa, angtäi ghin nak ka gah vai ah a i ang ka bi kaw?” cine ng’shik ci.

MAKUH 14:13

Bawipa Jesuh naw ang düihpüi pahnih-am, “Nangni pigaw kyong ah nami hteh vai, a cu ah tui khlüng kawt ne ana lawk ciah chang tumat cu nami hmuk khai, acun ah chang cu a hnu ah nami läk vai.

MAKUH 14:15

Ani naw a khan kyong khui cu ning mihmuh goi khai, acun ung a päng küm be khai nei,” cine m’cäi goi ci.

LUKA 22:11

Cun kawn ah im mah-am, “Bawipa naw, kang düihpüi gui awn atäng ah pasakha mü ei cu, a hawn ung kami ei khai ang?” cine kiak ci nei, ciah nami m’thein vai,