MAKUH 14:1 - Cho Bible Common Language 2016

¹ Phyawn nak pawi la k’caw kä shum ne m’htut den nak ah pawi a gawk law nak vai hnüüp goi m’hni ba khätah, taigüpa gui la thukhän saya gui cu Bawipa Jesuh adüm ah pha ne ngawn nak vai ah lam shui ci gui.

MAKUH 14:1 Referans Kwoze

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.

JOHAN 11:47

Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma?

MATTHE 12:14

Pharisee gui cu pum im ungka hteit ba u netah Bawipa Jesuh cu ngawn vai ah ng’ge ci gui.

MATTHE 6:2

‘Cun ah kyasei peit taak nak nami bi ung mingthang hlük ci gui ah bi ah mäih ah pum nak im gui la lam kyum gui ung, dang khai ah kä nami bi vai. Ngami cu chang naw am hlüngtai gui vai ng’ya hlü u ne, ami bi ah kyak ci. Kei naw akcang ka pyein cu, ngami cu ami mät ah ng’yak hlü gah pyii ci gui ah kyak ci nei.

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

SAM 62:4

Nang bäng naw ani cu m’tamkhah nak ah hmun ungka chah vai ah na ng’ya hlük ci. Nang na hleei pyen ne na yeikyai ci. Na shai awn hriham thu na pyen ci, cun ung phi na m’lung kyong ah ani na ng’plah ci.

SAM 52:3

Nang cu akni ah ta, akshe na m’hni pi ci, düng nak ah ta, hleei nak na m’hni pi ci.

ATÜNNAK 37:18

A phäi gui naw a law cu hmu u neta, kä a gawk law pha ge ung ngawn vai ah k’bäi ci gui.

PHYAWN NAK 12:1

Bawipa naw Egypt khaw ah Moses la Aaron cu ng’thu püi goi ci;

MAKUH 14:2

Ngami naw, “Chang gu thüngphyong ne ami kyak law vai ah ng’ä ah kyasei pawi ah ak kyong ung kä nami pha vai” cine m’cäi gui ci gui.

MAKUH 14:12

Phyawn nak Htome hta cu ngawn ne k’caw kä shum ah m’htut den nak ah pawi tün htük hnüüp ung, ang düihpüi gui naw, Bawipa Jesuh-am, “Nang Bawipa ah hmawk ah phiawn nak mü-ei cu a hawi ang kami pian kaw?” cine ng’shik ci gui.

LAMKTU 12:4

Herod naw Peter cu a pha kawn ah chang sing phli ci lawk ciah gaakap hläm phli am ap ne thawng ung chum ci. Herod naw ani cu Pasakha pawi ang pyi kawn ah Jew chang khli ah ma ah ng’thumcha vai ah k’bäi ci.

TAIGÜTHUM 2:6

Cun cu chem ne ak khan ah situi awn shawi neta, douthak ne pek vai.