MAKUH 13:9 - Cho Bible Common Language 2016

⁹ Nangmi cu ngaih na ne nami om vai. Chang gui naw nangmi cu yung ah m’kawt ung ning ap gui khai gui. Pum im ah k’caw ah ning that gui khai gui. Nangmi cu kei ah hmawk ah bawimang gui la ghangpughang gui ah ma ah gawk u ne, Thu Ni pyein ne nami ng’shä khai.

MAKUH 13:9 Referans Kwoze

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

MAKUH 13:5

Bawipa Jesuh naw, “Chang naw kä a ning m’hleei m’hlak-en gui vai ah nami ngaih nak vai.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

2 THESSALONIAN 1:5

Shin ah abi nak gui ung Khanpughi ah m’khoichaa nak gui cu düng sei, nangmi cu Khanpughi ah kho awn khinkha ciah nami kya lawk khai, acun ah kho ah hmawk ah nangmi cu nami yaica ci.

PHILIPPIAN 1:29

Nang mi cu ani nami yum nak bäng awn ah kä kyak ciah ani ah hmawk ah yaica nak nami gah nak awn Bawi Khrit ah khuut bi nak vai ah a khin k’ni cu nami gah ci.

LAMKTU 21:11

Ani cu keimi ah om nak ah law ne, Paul ah khei khih nak la ne, akut a khaw cu pin netah, “Shin ah kheikhih nak ka nak ciah chang cu, Jerusalem ah Judah chang gui naw, a shin ah mäih ah khit ne pin u netah, changpakhui hei gui am ap khai gui nei, ci ne Mumcha Theing naw pyein ci nei” cine pyein ci.

LAMKTU 9:16

Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.

LAMKTU 7:54

Judah kawngsi ng’vai gui cu Stephen ah ng’thu ng’yah u netah ami ha htui neh m’lung k’she ci gui.

JOHAN 15:20

Nami shüm vai ah ka ning m’thein gui cu; ‘Chang shäm cu a bawi ah kä hlüngtai pi man ci.’ Kei ami na dukdeiu nak ung nangmi phi ning dukdeiu na gui khai gui; kei ah ng’thu ami ngaih ung nangmi ah ng’thu phi ngai khai gui.

LUKA 9:5

Nami gawk nak ah pigaw ah a u naw kä a ning dou gui ah a kyak ung, cun ah pigaw ungka nami ng’düih law ba ung, ng’thu m’shi sho ah nami khawpha ung kaa, m’vut nami khawn ba shüt vai” cine m’cäi gui ci.

MAKUH 6:11

Nangmi ning maa na gui ciah pigaw ung kä nami om tu vai. Nami ng’thu kä ngai ciah chang gui nami hteh taak gui vai. Cun ah nami hteh taak gui ung nami kho pha ung kaa, m’vut nami khawn shüt vai, cun cu ngami ah hmawk ah ng’thu m’shi nami sho shüt ah kiak khai” cine m’cäi gui ci.

MAKUH 1:44

“Shin ah a mawng cu a u-am kä nam thein-en vai, taigü ng’vai ah ang ghit ah hteit ne na pumsa cu na vam hnuh vai. Cun kawn ah na theek gai ah mawng chang gui naw ami hmat vai ah Moses ah thukhän ah mäih peitnak cu na bi vai” cine m’cäi ne tüi ba ci.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

MAKUH 13:8

Chang pakhui tumat la tumat, kho päng tumat la tumat ng’tuk bi nak om khai. A kho pääng ung shihpi thüng khai, ei awk vai maih ne kho yo khai. Cun gui cu hta lawk khai naw nau poi am neh law ma ah mäih ah ma lawk khai ah dukdeiu nak ah kyak khai.

2 JOHAN 1:8

Geing na ne nami om vai nei, cun ung nangmi ah hmawk ah keimi ah bi cu akholä ah kä kyak khai, nangmi phi m’cümhnah nak ak be nami gah khai.